ສຸດມັນ ເພັດສະຄາດ ນ໋ອກ ສິງນ້ອຍ ຍົກ4 ມວຍລາວ
ສຸດມັນ ເພັດສະຄາດ ບ້ານໂຄກສະອາດ ນ໋ອກ ສິງນ້ອຍ ສິດໂຕພາລຸ້ງ ຍົກທີ 4, ສ່ວນ ຊູຊາດ ຕະຫລາດຫ້ວຍຫົງ ເອົາຊະນະຄະແນນ ຊົນຊາດລາວ ສິງໂຕພາລຸ້ງ ໃນການແຂ່ງຂັນມວຍລາວ ທີ່ສະໜາມມວຍຕະຫລາດຫ້ວຍຫົງ ໃນງານເປີດສະໜາມມວຍໃໝ່ ວັນທີ 1 ກັນຍາຜ່ານມານີ້.
ການແຂ່ງຂັນມວຍລາວ ໃນງານເປີດສະໜາມມວຍຕະຫລາດຫ້ວຍຫົງ ໂດຍມີການແຂ່ງຂັນກັນທັງໝົດ 6 ຄູ່ ເຊິ່ງຄູ່ທີ່ໜ້າສົນໃຈ ແມ່ນເປັນການພົບກັນລະຫວ່າງ ສິງນ້ອຍ ສິດໂຕພາລຸ້ງ ພົບກັບ ເພັດສະຄາດ ບ້ານໂຄກສະອາດ ໃນລຸ້ນນ້ຳໜັກ 50 ກິໂລ. ຜ່ານການແຂ່ງຂັນ ຜົນປາກົດວ່າ ຍົກທຳອິດທັງ 2 ຝ່າຍ ອອກອາວຸດກັນເຕັມທີ່ ໂດຍສະເພາະ ສິງນ້ອຍ ສິດໂຕພາລຸ້ງ ທີ່ເປັນມວຍມັດ ອອກອາວຸດໄດ້ທຸກຈັງຫວະ ເຮັດໃຫ້ ເພັດສະຄາດ ບ້ານໂຄກສະອາດ ເຂົ້າໃກ້ຕົວບໍ່ໄດ້ ແລະ ເບິ່ງຄືວ່າ ສິງນ້ອຍ ສິດໂຕພາລຸ້ງ ຈະເປັນຝ່າຍໄດ້ປຽບ ແລະ ສູ້ຈົນເຖິງຍົກທີ 4 ກໍຍັງເປັນ ສິງນ້ອຍ ສິດໂຕພາລຸ້ງ ທີ່ຍ່າງເຂົ້າໃສ່ ແຕ່ສຸດທ້າຍຖືກ ເພັດສະຄາດ ບ້ານໂຄກສະອາດ ເຂົ້າປະກົບຕົວກ່ອນຈະກອດໃສ່ເຂົ່າ ແລະ ແຖມດ້ວຍສອກຂວາ 2 ບາດ ລົ້ມລົງທັນທີ ເຮັດໃຫ້ ເພັດສະຄາດ ບ້ານໂຄກສະອາດ ຊະນະນ໋ອກ ສິງນ້ອຍ ສິດໂຕພາລຸ້ງ ໄປໄດ້ໃນຍົກທີ 4.
ສຳລັບຜົນການແຂ່ງຂັນອີກ 5 ຄູ່ ປະກອບມີ ຊູຊາດ ຕະຫລາດຫ້ວຍຫົງ ເອົາຊະນະຄະແນນ ຊົນຊາດລາວ ສິງໂຕພາລຸ້ງ ໃນລຸ້ນນ້ຳໜັກ 50 ກິໂລ, ເພັດປະກາຍຟ້າ ຈາກກະຊວງປ້ອງກັນຄວາມສະຫງົບ ຊະນະຄະແນນ ເດັ່ນນະຄອນ ເພັດນະຄອນ ໃນລຸ້ນນ້ຳໜັກ 50 ກິໂລ, ໄຊມອນ ລູກບ້ານດຸງ ເສຍຄະແນນໃຫ້ ຂຸນເຫລັກ ຂຸນວັງຫລວງ ໃນລຸ້ນນ້ຳໜັກ 56 ກິໂລ, ເພັດສາຄອນ ເພັດນະຄອນ ເສຍນ໋ອກໃຫ້ ເພັດພັນແທ້ ຈາກກະຊວງປ້ອງກັນຄວາມສະຫງົບ ໃນຍົກທີ 3 ໃນລຸ້ນນ້ຳໜັກ 53 ກິໂລ ແລະ ສຸກສາຄອນ ຂວັນໃຈຫລັກ 21 ຊະນະນ໋ອກ ບິກວັນ ສໍຊຽງສານຝັນ ໃນລຸ້ນນ້ຳໜັກ 60 ກິໂລ.
