ຍອດຜູ້ເສຍຊີວິດຈາກໄຕ້ຝຸ່ນເຊບີ ຖະຫລົ່ມຍີ່ປຸ່ນເພີ່ມເປັນ 11 ຄົນ, ບາດເຈັບອີກຫລາຍຮ້ອຍ

ຈຳນວນ​ຜູ້​ເສຍ​ຊີວິດຈາກ​ໄຕ້​ຝຸ່ນ​ເຊ​ບີ​ຖະຫລົ່ມ​ຍີ່ປຸ່ນ ​ເພີ່ມ​ເປັນ​ຢ່າງ​ໜ້ອຍ 11 ຄົນ, ບາດ​ເຈັບ​ອີກ​ຫລາຍ​ຮ້ອຍ​ຄົນ ​ໂດຍ​ຍັງ​ມີ​ຜູ້​ຕົກ​ຄ້າງ​ຢູ່​ສະໜາມ​ບິນ​ຄັນ​ໄຊ​ອີກ​ຫລາຍ​ກວ່າ 2.000 ຄົນ. ຂະນະ​ທີ່ ​ເຮືອນ 2,4 ລ້ານ​ຫລັງ ບໍ່​ມີ​ກະ​ແສ​ໄຟຟ້າ​ໃຊ້.

ຈຳນວນ​ຜູ້​ເສຍ​ຊີວິດ​ຈາກ​ຄວາມ​ຮຸນ​ແຮງ​ຂອງ​ໄຕ້​ຝຸ່ນ​ເຊ​ບີ ທີ່​​ພັດ​ເຂົ້າຖະຫລົ່ມ​ຫລາຍ​ພື້ນທີ່​ທາງ​ຕາ​ເວັນ​ຕົກ​ຂອງ​ຍີ່ປຸ່ນ ​ເພີ່ມ​ເປັນ​ຢ່າງ​ໜ້ອຍ 11 ຄົນ, ບາດ​ເຈັບ​ອີກ​ຫລາຍ​ຮ້ອຍ​ຄົນ, ທີ່​ສະໜາມ​ບິນ​ຄັນ​ໄຊ ​ເຈົ້າໜ້າ​ທີ່​ຈັດ​ໃຫ້​ຜູ້​ໂດຍສານ​ທີ່​ຕົກ​ຄ້າງ​ບາງ​ສ່ວນ​ເດີນທາງ​ຕໍ່​ໄປ​ເມືອງ​ໂກ​ເບ​ໂດຍ​ທາງ​ເຮືອ, ​ແຕ່​ຍັງ​ມີ​ຜູ້​ຕົກ​ຄ້າງ​ຢູ່​ສະໜາມ​ບິນ​ອີກ​ຫລາຍ​ກວ່າ 2.000 ຄົນ ຈົນ​ເຖິງ​ປັດຈຸບັນ​ຍັງ​ມີ​ບໍ່​ຮູ້​ແນ່ນອນ​ວ່າ: ສະໜາມ​ບິນ​ຄັນ​ໄຊ​ຈະ​ສາມາດ​ເປີດ​ໃຫ້​ບໍລິການ​ໄດ້​ຕາມ​ປົກກະຕິ​ເມື່ອ​ໃດ, ຂະນະ​ທີ່​ເຮືອນ 2,4 ລ້ານ​ຫລັງ ບໍ່​ມີ​ກະ​ແສ​ໄຟຟ້າ​ໃຊ້.