ກິນໄຂ່ 1 ໜ່ວຍທຸກເຊົ້າປ້ອງກັນຫລອດເລືອດຫົວໃຈ

ຈາກການວິໄຈຂອງມະຫາວິທະຍາໄລຮາເວີດທີ່ຕີພິມໃນວັນທີ 21 ພຶດສະພາ 2018 ທີ່ຜ່ານມາ ລະບຸວ່າ : ການກິນໄຂ່ 1 ໜ່ວຍທຸກມື້ຈະຊ່ວຍຫລຸດຄວາມສ່ຽງໃນການເກີດພະຍາດອັນຕະລາຍດັ່ງຫລອດເລືອດຫົວໃຈຫລາຍເຖິງ 18% ແລະ ຍັງຊ່ວຍຫລຸດຄວາມສ່ຽງຂອງອາການເລືອດອອກໃນສະໝອງຂອງພະຍາດຫລອດເລືອດສະໝອງໄດ້ຫລາຍ ເຖິງ28% ເມື່ອທຽບກັບຄົນທີ່ບໍ່ໄດ້ກິນໄຂ່.

ວຽກງານວິໄຈນີ້ໄດ້ເກັບກຳຂໍ້ມູນຈາກຄົວທົ່ວໄປອາຍຸ 30 – 79 ປີ ຈຳນວນ 400.000 ຄົນ ຈາກບ່ອນຕ່າງໆເຖິງ 10 ບ່ອນໃນປະເທດຈີນ ນັກວິໄຈໃຫ້ອາສາສະໝັກກິນໄຂ່ມື້ລະໜ່ວຍ ແລະ ເກັບຂໍ້ມູນປຽບທຽບກັບຄົນທີ່ບໍ່ໄດ້ກິນໄຂ່ມື້ລະໜ່ວຍດົນເຖິງ 9 ປີ ພົບວ່າ : ຄົນທີ່ກິນໄຂ່ມື້ລະໜ່ວຍມີຄວາມສ່ຽງທີ່ຈະເປັນພະຍາດຫລອດເລືອດຫົວໃຈຕີບ, ຫລອດເລືອດຫົວໃຈແຂງ, ຫົວໃຈວາຍ ແລະ ພະຍາດກ່ຽວກັບຫລອດເລືອດ ແລະ ອື່ນໆໜ້ອຍກ່ວາຄົນທີ່ບໍ່ໄດ້ກິນໄຂ່ມື້ລະໜ່ວຍ.

ຫາກໃຜທີ່ມີຄວາມກັງວົນເຖິງເລື່ອງຄໍເລສເຕີໂຣນໃນໄຂ່ແດງສາມາດຫລຸດການກິນໄຂ່ແດງໃຫ້ໜ້ອຍລົງໄດ້, ແຕ່ຍັງສາມາດກິນໄດ້ບາງພາກສ່ວນ (ບໍ່ຈຳເປັນຕ້ອງ 100%) ແລະ ສາມາດເລືອກວິທີປຸງແຕ່ງໄຂ່ໃຫ້ໄດ້ສຸຂະພາບດີຍິ່ງຂຶ້ນ ໂດຍເລືອກກິນໄຂ່ ຕົ້ມ, ໄຂ່ຕຸ໋ນ (ໃສ່ເຄື່ອງປຸງໜ້ອຍໆ), ໄຂ່ດາວ ຫລື ໄຂ່ຈຽວ (ໃສ່ນຳ້ມັນ ຫລື ເນີຍໜ້ອຍໆ) ແທນການກິນໄຂ່ຈຽວ, ໄຂ່ດາວ ຕາມປົກກະຕິໄດ້ ເພາະຫາກທ່ານປຸງແຕ່ງໂດຍໃສ່ເຄື່ອງປຸງຫລາຍກໍບໍ່ເປັນຜົນດີຕໍ່ສຸຂະພາບ.