ອຸດົມໄຊມີຜົນເສຍຫາຍ 91 ຕື້ກວ່າກີບ

ທ້າຍອາທິດຜ່ານມານີ້, ທ່ານ ຄໍາແພງ ໄຊສົມແພງ ລັດ ຖະມົນຕີ ກະຊວງແຮງງານ ແລະ ສະຫວັດດີການສັງຄົມ ປະທານຄະນະກໍາມະການ ປ້ອງກັນ ແລະ ຄອບຄຸມໄພ ພິບັດແຫ່ງຊາດ ພອ້ມດວ້ຍ ຄະນະໄດ້ລົງກວດກາສະ ພາບ ໄພນ້ຳຖ້ວມຢູ່ແຂວງອຸດົມ ໄຊ ໃນໄລຍະວັນທີ 16-30 ກໍລະກົດ ຜ່ານມາ. ເຮັດໃຫ້ ມີດິນເຊາະເຈື່ອນ ແລະ ເຮືອນ ຊານຂອງປະຊາຊົນເປ່ເພ ເສຍຫາຍ 210 ຫລັງ, ເນື້ອ ທີ່ທຳການຜະລິດ ເສຍຫາຍ 6.300 ກວ່າເຮັກຕາ, ເສັ້ນ ທາງຫລວງໄດ້ຮັບຜົນກະ ທົບຈຳນວນ 3 ເສັ້ນ ແລະ ເສັ້ນທາງ ທ້ອງຖິ່ນ ເປ່ເພ 56 ເສັ້ນ, ໂຮງຮຽນ 2 ຫລັງ, ໂຮງໜໍເມືອງ 1 ແຫ່ງຕາ ຂ່າຍໄຟຟ້າເສຍຫາຍ 27 ຈຸດ, ທໍ່ນໍ້າປະປາເປ່ເພ 6 ຈຸດ ໃຫຍ່ມີ 161 ບ້ານໄດ້ຮັບຜົນ ກະທົບໜັກ, ລວມມີມູນຄ່າ ເສຍຫາຍປະມານ 91 ຕື້ ກວ່າກີບ. ໃນນັ້ນ ເມືອງທີ່ ໄດ້ ຮັບຜົນກະທົບໜັກມີ ເມືອງ ໄຊ; ເມືອງ ຫລາ, ເມືອງ ນາໝໍ້.

+ ລັດຖະມົນຕີກະຊວງກະສິກໍາ ແລະ ປ່າໄມ້ ລົງຊຸກຍູ້ ແລະ ຊີ້ນໍາວຽກງານຜະລິດກະສິກໍາ ຢູ່ແຂວງອຸດົມໄຊ

+ ສະພານະຄອນຫລວງວຽງຈັນມອບເຄື່ອງຊ່ວຍເຫລືອຜູ້ຮັບຜົນກະທົບຈາກໄພນ້ຳຖ້ວມ

ໃນໂອກາດນີ້, ທ່ານ ຄໍາແພງ ໄຊສົມແພງ ກໍໄດ້ໂອ້ ລົມ ຊີ້ນໍາຄະນະກໍາມະການ ປ້ອງກັນ ແລະ ຄອບຄຸມໄພ ພິບັດຂັ້ນແຂວງ, ໃຫ້ເອົາໃຈ ໃສ່ການຮັກສາສຸຂະພາບ ຂອງປະຊາຊົນ, ກວດກາຜົນ ເສຍຫາຍຂອງເນື້ອທີ່ການ ຜະລິດ, ປົວແປງໂຮງຮຽນ ທີ່ໄດ້ຮັບຜົນກະທົບເພື່ອໃຫ້ ລູກຫລານໄດ້ເຂົ້າໂຮງຮຽນ, ທ່ວງທັນເວລາ ແລະ ລະດົມ ພະນັກງານ, ທະຫານ, ຕໍາ ຫລວດເຂົ້າຊ່ວຍເຫລືອປະ ຊາຊົນ, ກໍ່ສ້າງປົວແປງ ເຮືອນຊານໃຫ້ກັບຄືນສູ່ສະ ພາບປົກກະຕິໂດຍໄວກະ ກຽມແນວພັນພືດເພື່ອສະ ໜອງ ໃຫ້ແກ່ປະຊາຊົນ ຜະລິດລະດູແລ້ງໄດ້ພຽງພໍ, ປົວແປງ ຊົນລະປະທານ ໄດ້ຮັບຜົນກະທົບໃຫ້ສາ ມາດນຳໃຊ້ໄດ້ປົກກະຕິ ແລະ ແນະນຳໃຫ້ອຳນາດ ການປົກຄອງ ແຂວງ ເມືອງ ເອົາໃຈໃສ່ສຶກສາອົບຮົມ ວຽກງານການເມືອງແນວ ຄິດໃຫ້ປະຊາຊົນຮູ້ເລືອກ ໃຊ້ຂໍ້ມູນຂ່າວສານທີ່ເປັນ ປະໂຫຍດ ແລະ ເອົາໃຈໃສ່ ຟື້ນຟູ ຊີວິດການເປັນຢູ່ຂອງ ປະຊາຊົນໃຫ້ກັບຄືນສູ່ ສະພາບປົກກະຕິ ໂດຍໄວ, ພ້ອມໄດ້ມອບເຄື່ອງອຸປະ ໂພກບໍລິໂພກ ຈຳນວນໜຶ່ງ ລວມມູນຄ່າ 50 ລ້ານ ກວ່າ ກີບ ແລະ ທ່ານ ອາດສະ ພັງທອງ ສີພັນດອນ ຮອງ ລັດຖະມົນຕີກະຊວງການ ເງິນໄດ້ມອບ ເງິນສົດຈໍາ ນວນ 20 ລ້ານກີບ ເພື່ອນໍາ ໄປຊວ່ຍເຫລືອປະຊາຊົນ ແຂວງ ດັ່ງກ່າວທີ່ໄດ້ຮັບ ຜົນກະທົບຈາກໄພພິບັດໃນ ຄັ້ງນີ້ຕື່ມອີກ./.