ທີມຊາດລາວ ຕ້ານບໍ່ໄຫວເສຍໃຫ້ ເອັສຊີຈີ ເມືອງທອງ 2-0
ນັກກິລາທີມຊາດລາວ ຕ້ານບໍ່ໄຫວເສຍໃຫ້ສະໂມສອນເອັສຊີຈີ ເມືອງທອງ ຢູໄນເຕັດ 2-0 ໃນວັນທີ 31 ສິງຫາຜ່ານມານີ້ ທີ່ສະໜາມກິລາຫລັກ 16 ໃນການແຂ່ງຂັນນັດພິເສດກ່ອນເຂົ້າຮ່ວມແຂ່ງຂັນຊູຊູກິ ຄັບ 2018.
ການແຂ່ງຂັນໄດ້ດໍາເນີນດ້ວຍບັນຍາກາດຄຶກຄື້ນຂອງກອງເຊຍ ເຊິ່ງມີຜູ້ເຂົ້າຊົມເກືອບ 13 ພັນຄົນທີ່ເຂົ້າເຊຍທັງ 2 ທີມ, ສະໂມສອນເອັສຊີຈີ ເມືອງທອງ ຢູໄນເຕັດ ສາມາດຍິງປະຕູຂຶ້ນນໍາໃນນາທີ 23 ເປັນ 1-0 ແຕ່ ທີມຊາດລາວ ກໍພະຍາຍາມສ້າງໂອກາດຍິງປະຕູຫລາຍຄັ້ງ ແຕ່ບໍ່ສາມາດຜ່ານຜູ້ຮັກສາປະຕູຂອງເມືອງທອງ ຢູໄນເຕັດ ໄດ້ ຈົບເກມເຄິ່ງເວລາທໍາອິດ ສະໂມສອນ ເອັສຊີຈີ ເມືອງທອງ ຢູໄນເຕັດ ຂຶ້ນນໍາ ທີມຊາດລາວ 1-0. ພໍເຂົ້າເຄິ່ງເວລາທີ 2 ຫລັງຈາກປ່ຽນຕົວຜູ້ຫລິ້ນຂອງ ທີມຊາດລາວ ໂດຍເອົາ ສຸອາພອນ ວົງຈຽງຄໍາ ເຮັດໃຫ້ເກມການແຂ່ງຂັນຍິ່ງເພີ່ມຄວາມຄຶກຄື້ນ ແລະ ເກມການຫລິ້ນ ທີມຊາດລາວ ໄດ້ປ່ຽນທັນທີ ແຕ່ກໍບໍ່ສາມາດຍິງປະຕູໄດ້ ຈົນຮອດນາທີ 56 ສະໂມສອນ ເອັສຊີຈີ ເມືອງທອງ ມາໄດ້ປະຕູຂຶ້ນນໍາອີກເປັນ 2-0, ຫລັງຈາກນັ້ນ ທີມຊາດລາວ ກໍພະຍາຍາມສ້າງໂອກາດຫລາຍຄັ້ງແຕ່ກໍບໍ່ສາມາດຍິງປະຕູໄດ້ ຈົບເກມເຄິ່ງເວລາທີ 2 ທີມຊາດລາວ ບໍ່ສາມາດຍິງປະຕູໄດ້. ຈົບເກມ 90 ນາທີ ທີມຊາດລາວ ຕ້ານຄວາມແຂ່ງແກ່ນສະໂມສອນ ເອັສຊີຈີ ເມືອງທອງ ໄດ້.
