ເຄັດລັບ 5 ປະການທີ່ຊ່ວຍໃຫ້ໃຊ້ເວລາຢ່າງສະຫຼາດ
ຫາກຄິດວ່າຄໍາເວົ້າຂ້າງເທິງເປັນຄໍາເວົ້າທີ່ເກີນຈິງ ໃຫ້ລອງຖາມນັກກິລາທີ່ຄະແນນກໍາລັງຕາມຫຼັງຊ່ວງ 2 ນາທີສຸດທ້າຍຂອງເກມ, ຖາມເຈົ້າໜ້າທີ່ຄວບຄຸການຈະລາຈອນທາງອາກາດທີ່ຕ້ອງເຮັດໜ້າທີ່ຈັດລໍາດັບເຮືອບິນຂຶ້ນ-ລົງສະໜາມບິນໃຫຍ່, ຖາມຜູ້ລາຍງານຂ່າວທີ່ຫາຮູ້ວ່າຕ້ອງຮີບມາລາຍງານຂ່າວດ່ວນ ຫຼືຄົນທີ່ເປັນມະເຮັງທີ່ຫາກໍຮູ້ວ່າຕົນເອງຈະຢູ່ໄດ້ອີກພຽງ 2 ເດືອນ ແລ້ວຈະໄດ້ຄໍາຕອບ.
ການບໍລິຫານເວລາ ຟັງແລ້ວຄືຈະເປັນສິ່ງທີ່ຄ່ອນຂ້າງຂັດແຍ່ງ ເພາະເວລາເປັນສິ່ງທີ່ຢູ່ເໜືອການຄວບຄຸມຂອງມະນຸດ ແມ້ແຕ່ເຂັມເທິງໜ້າປັດໂມງກໍຖືກອອກແບບມາໃຫ້ເດີນໄປທາງໜ້າບໍ່ຖອຍຫຼັງກັບ, ດັ່ງນັ້ນ, ການຮຽງລໍາດັບຄວາມສໍາຄັນຂອງເຮົາປຽບຄືກະເປົາເດີນທາງ ເຖິງວ່າຈະມີຂະໜາດເທົ່າກັນ ແຕ່ບາງຄົນກັບໃສ່ເຄື່ອງນຸ່ງລົງໄປໄດ້ຫຼາຍກວ່າ ແລະ ດ້ວຍຄວາມຈິງທີ່ວ່າ ບໍ່ມີໃຜມີເວດມົນທີ່ຈະເສກເວລາໃຫ້ຖອຍຫຼັງກັບໄດ້ ການຕັ້ງເປົ້າໝາຍເພື່ອເປັນແນວທາງໃນການໃຊ້ຊີວິດ ຈຶ່ງຖືເປັນການໃຊ້ເວລາທີ່ມີຢູ່ຢ່າງຈໍາກັດໄດ້ຢ່າງຄຸ້ມຄ່າທີ່ສຸດ.
ການຈັດເວລາອາດເວົ້າໄດ້ວ່າເປັນຄຸນສົມບັດທີ່ສໍາຄັນທີ່ສຸດຂອງການເປັນຜູ້ນໍາ Peter Drucker ກ່າວວ່າ “ສິ່ງທີ່ເຮັດໃຫ້້ຄົນປະສົບຄວາມສໍາເລັດຕ່າງຈາກຄົນທົ່ວໄປກໍຄື ພວກເຂົາເຫັນຄຸນຄ່າຂອງເວລາ”.
ຄໍາຖາມຄື: ເຮົາຈະໃຊ້ເວລາໃນແຕ່ລະມື້ແນວໃດໃຫ້ເກີດປະສິດທິພາບສູງສຸດ ແລະ ຕໍ່ຈາກນີ້ໄປຄື 5 ຄຸນລັກສະນະຂອງຜູ້ທີ່ໃຊ້ເວລາຢ່າງສະຫຼາດ ທີ່ເຮົາສາມາດຮຽນຮູ້ ແລະ ເຮັດຕາມໄດ້.
- ມີເປົ້າໝາຍ
- ເບິ່ງເຫັນຄຸນຄ່າຂອງເວລາ
- ພັດທະນາສິ່ງຕົນຖະນັດ
- ເບິ່ງຫາຄວາມສຸກ
- ເປັນຄູຝຶກທີ່ດີ
