ຜູ້ນຳກອງທັບ-ຮອງປະທານາທິບໍດີ ມຽນມາສຳຫລວດສະປິນເວເຂື່ອນແຕກ
ພົນເອກ ມິນ ອ໋ອງ ລ່າຍ ຜູ້ບັນຊາການທະຫານສູງສຸດຂອງມຽນມາ ແລະ ຮອງປະທານາທິບໍດີ ເຮນຣີ ແວນ ທຽວ ລົງພື້ນທີ່ເຂດພະໂຄ ເພື່ອກວດສອບສະຖານະການສະປິນເວເຂື່ອນໃນພື້ນທີ່ແຕກ ສ້າງຄວາມເດືອດຮ້ອນໃຫ້ແກ່ປະຊາຊົນຫລາຍກວ່າ 60.000 ຄົນ.
A major effort is under way to reach thousands of people trapped in their homes after a dam swollen by monsoon rain overflowed early Wednesday in central Myanmar, officials say https://t.co/VIIXBgO388
— AFP News Agency (@AFP) August 29, 2018
ໜັງສືພິມ ເດິ ໂກລບອລ ນິວ ໄລ ອອຟ ມຽນມາ ສະບັບວັນທີ 30 ສິງຫາ ລາຍງານຄວາມຄືບໜ້າຫລັງເກີດເຫດທາງນ້ຳລົ້ນ ຫລື ສະປິນເວຂອງເຂື່ອນສະວາຊວງ ເຊິ່ງໃຊ້ງານມາແຕ່ປີ 2004 ຕັ້ງຢູ່ໃນພາກພື້ນພະໂຄ ທາງຕອນກາງຂອງມຽນມາ ເກີດພັງລົງມາ ໃນວັນທີ 29 ສິງຫາ ສົ່ງຜົນໃຫ້ມວນນ້ຳມະຫາສານໄຫລເຂົ້າຖ້ວມເຮືອນຂອງປະຊາຊົນ ທັງໃນເມືອງສະວາ ແລະ ບໍລິເວນໃກ້ຄຽງ ມີຢ່າງໜ້ອຍ 85 ບ້ານ, 14.000 ຄອບຄົວໄດ້ຮັບຜົນກະທົບ ແລະ ປະຊາຊົນຫລາຍກວ່າ 63.000 ຄົນບໍ່ມີບ່ອນຢູ່ອາໄສ.
VIDEO: Water from the monsoon rain overtook a central Myanmar dam, inundated about 100 villages and blocked the country's biggest highway, according to a government official pic.twitter.com/3pQYCk81NG
— AFP News Agency (@AFP) August 29, 2018
ນອກຈາກນີ້ ລະດັບນ້ຳທີ່ເພີ່ມສູງຂຶ້ນຢ່າງວ່ອງໄວຍັງສ້າງຄວາມເສຍຫາຍໃຫ້ລະບົບໂຄງລ່າງພື້ນຖານ, ແຫລ່ງຂ່າວໃນລັດຖະບານມຽນມາເປີດເຜີຍວ່າ: ເຈົ້າໜ້າທີ່ສາມາດຢຸດຮອຍແຕກແຫງຂອງເຂື່ອນໄວ້ໄດ້ແລ້ວ.
ລາຍງານຂອງກະຊວງສະຫວັດດີການສັງຄົມຂອງມຽນມາ ລະບຸວ່າ: ຜູ້ປະສົບໄພຫລາຍກວ່າ 12.600 ຄົນ ກະຈາຍກັນອາໄສຢູ່ຕາມສູນພັກຊົ່ວຄາວປະມານ 30 ແຫ່ງ. ຂະນະທີ່ ພົນເອກ ມິນ ອ໋ອງ ລ່າຍ ຜູ້ບັນຊາການທະຫານສູງສຸດຂອງມຽນມາ ແລະ ທ່ານ ເຮນຣີ ແວນ ທຽວ ຮອງປະທານາທິບໍດີມຽນມາ ລົງພື້ນທີ່ກວດສອບສະຖານະການດ້ວຍຕົນເອງ ແລະ ເນັ້ນໃຫ້ໜ່ວຍງານທີ່ກ່ຽວຂ້ອງຊ່ວຍເຫລືອປະຊາຊົນຢ່າງສຸດຄວາມສາມາດ.
