ກະຕໍ້ທີມຊາດລາວ ລົງສະໜາມຄັ້ງ 2 ເສຍໃຫ້ ຍີ່ປຸ່ນ 2-1 ເຊັດ

ນັກກິລາກະຕໍ້ທີມຊາດລາວ 4 ຄົນລົງສະໜາມຄັ້ງທີ 2 ເສຍໃຫ້ ທີມຊາດຍີ່ປຸ່ນ 2-1 ​ເຊັດ ໃນວັນທີ 29 ສິງຫານີ້.  ຂະນະທີ່ ທີມຊາດກະຕໍ້ຍິງ ກໍສາມາດເອົາຊະນະ ສ.ເກົາຫລີ ຄືກັນໃນງານມະຫາກິລາເອຊຽນເກມ 2018 ທີ່ປະເທດອິນໂດເນເຊຍ.

ນັກກິລາກະຕໍ້ທີມຊາດລາວ ລົງສະໜາມທຳອິດສາມາດເອົາຊະນະ ທີມຊາດມຽນມາ ໄດ້ 2-0 ​ເຊັດ ໃນວັນທີ 28 ສິງຫາຜ່ານມາ ແຕ່ລົງສະໜາມຄັ້ງທີ 2 ເສຍໃຫ້ ທີມຊາດຍີ່ປຸ່ນ ແບບຫວຸດວິດ 2-1 ​ເຊັດ ສົ່ງຜົນໃຫ້ ທີມຊາດລາວຕ້ອງລົງສະໜາມອີກ 2 ຄັ້ງ ຕ້ອງຊະນະອີກ 2 ຄັ້ງຈຶ່ງຈະຜ່ານເຂົ້າຮອບ 4 ທີມໄດ້.

ການແຂ່ງຂັນກະຕໍ້ທີມ 4 ຄົນ ທີມຊາດລາວ ຖືກຈັດຢູ່ກຸ່ມບີ  ຮ່ວມກັບເຈົ້າພາບອິນໂດເນເຊຍ, ຍີ່ປຸ່ນ, ມຽນມາ, ຈີນ.