ຍອດຜູ້ເສຍຊີວິດຈາກອີໂບລາລະບາດ ໃນກົງໂກເພີ່ມເປັນ 75 ຄົນ
August 28, 2018 - 4:38 PM
ກະຊວງສາທາລະນະສຸກສາທາລະນະລັດ ປະຊາທິປະໄຕ ກົງໂກ ຖະແຫລງວ່າ: ຈຳນວນຜູ້ເສຍຊີວິດຈາກເຊື້ອໄວຣັສອີໂບລາລະບາດທາງຕາເວັນອອກ ເພີ່ມຂຶ້ນເປັນ 75 ຄົນແລ້ວ ໂດຍມີລາຍງານຜູ້ຕິດເຊື້ອ 111 ຄົນ ໃນພື້ນທີ່ດັ່ງກ່າວ.
ຂໍ້ມູນກະຊວງສາທາລະນະສຸກ ພົບວ່າ: ມີຜູ້ເສຍຊີວິດ 47 ຄົນ ຈາກຜູ້ທີ່ໄດ້ຮັບການຢືນຢັນວ່າຕິດເຊື້ອ 83 ຄົນ ລວມທັງອີກ 28 ຄົນ ທີ່ມີທ່າອ່ຽງວ່າອາດມີເຊື້ອອີໂບລາ, ສ່ວນຫລາຍພົບກ່ອນທີ່ທາງການຈະປະກາດໄວຣັສອີໂບລາລະບາດ ໃນວັນທີ 1 ສິງຫາຜ່ານມາ. ຂະນະທີ່ ຍັງບໍ່ມີລາຍງານຜູ້ປ່ວຍໃໝ່ ນັບແຕ່ວັນທີ 26 ສິງຫາ ເຊິ່ງມີລາຍງານຈຳນວນຜູ້ເສຍຊີວິດ 67 ຄົນ, ສ່ວນການລະບາດເທື່ອຫລ້າສຸດຂອງໄວຣັສອີໂບລາພົບຢູ່ແຂວງກິວູເໜືອ ເຊິ່ງເປັນແຫລ່ງລີ້ຊ້ອນຂອງກອງກຳລັງຕິດອາວຸດ.
