ປກສ ເອັຟຊີ ຊະນະ ອີໂວ ຢູໄນເຕັດ 2-1
ທີມ ປກສ ລົງສະໜາມຄັ້ງທໍາອິດສາມາດເອົາຊະນະ ທີມອີໂວ ຢູໄນເຕັດ 2-1 ໃນວັນທີ 25 ສິງຫາຜ່ານມາ ທີ່ເດີນສະຫະພັນບານເຕະແຫ່ງຊາດລາວ (ສຕລ) ຂອງການແຂ່ງຂັນບານເຕະ ສາຍ ກ ຫລື ດີວີຊັນ 1.
ການແຂ່ງຂັນໄດ້ດໍາເນີນໄປດ້ວຍບັນຍາກາດຄຶກຄື້ນ ເຊິ່ງທີມ ປກສ ສາມາດຍິງປະຕູຂຶ້ນນໍາໄປກ່ອນໃນນາທີ 19 ແລະ ນາທີ 67 ແຕ່ທີມອີໂວ ກໍສາມາດຕີໄຂ່ແຕກໄດ້ໃນນາທີ 69 ເປັນ 2-1 ຈົບເກມທີມ ປກສ ສາມາດເກັບ 3 ຄະແນນໄດ້. ຂະນະດຽວກັນ ທີມເອັສທີທີ ເອັຟຊີ ກໍສະເໝີ ເຄພີເອັສ ເອັຟຊີ 2-2.
ສຳລັບຕາຕະລາງການແຂ່ງຂັນນັດຕໍ່ໄປ ປກສ ຈະແຂ່ງຂັນວັນທີ 2 ກັນຍາ ເວລາ 14:00ໂມງ ພົບ ທຣີນີຕີ ເອັຟຊີ ແຂ່ງຂັນສະໜາມຫຍ້າທຽມ ສຕລ ສະໜາມ 1. ສ່ວນທີມອີໂວ້ ຢູໄນເຕັດ ກໍລົງສະໜາມໃນວັນທີ 2 ກັນຍາ ເວລາ 9:00 ໂມງ ພົບ ທີມ ເຄພີເອັສ ເອັຟຊີ ແຂ່ງຂັນສະໜາມ ສຕລ.
ການແຂ່ງຂັນເຕະບານສາຍ ກ ມີ 11 ທີມເຂົ້າຮ່ວມຄື: ກອງທັບ ເອັຟຊີ (ແຊ້ມເກົ່າ), ວຽງຈັນ ຢູໄນເຕັດ , ເຄພີເອັສ ເອັຟຊີ , ປກສ ເອັຟຊີ, ດີເຄ ເອັຟຊີ, ແບລາວ ເອັຟຊີ, ອີໂວ ຢູໄນເຕັດ, ທຣີນີຕີ ເອັຟຊີ, ເອັສທີທີ ເອັຟຊີ, ໂຮງຮຽນ ບຸນເກີດສຶກສາ ເອັຟຊີ ແລະ ວິທະຍາໄລ ລາວ-ທ໋ອບ ເອັຟຊີ.
