ສົກປີ 2017-2018 ວິທະຍາໄລເຕັກນິກ ລາວ-ເຢຍລະມັນ ສ້າງບຸກຄະລາກອນອອກຮັບໃຊ້ສັງຄົມ ໄດ້ 400 ກວ່າຄົນ
ໃນວັນທີ 17 ສິງຫາ ຜ່ານມາ, ວິທະຍາໄລເຕັກ ນິກລາວ-ເຢຍລະມັນ, ໄດ້ຈັດ ພິທີສະຫຼຸບການຈັດຕັ້ງປະ ຕິບັດການຮຽນ-ການສອນ ປະຈຳສົກຮຽນ 2017-2018 ຂຶ້ນທີ່ວິທະຍາໄລ ດັ່ງກ່າວ, ໂດຍການເຂົ້າຮ່ວມ ຂອງທ່ານ ອຸ່ນຄຳ ອວນສະ ຫວັນ ຮອງຫົວໜ້າກົມຈັດ ຕັ້ງ-ພະນັກງານກະຊວງ ສຶກສາທິການ ແລະ ກິລາ, ທ່ານ ຄຳໄຫວ ຍ່ອມມີລາ ວົງ ວ່າການຜູ້ອຳນວຍການ ວິທະຍາໄລ ເຕັກນິກລາວ- ເຢຍລະມັນ, ມີບັນດາ ທ່ານ ຫົວໜ້າກົມ, ຫົວໜ້າພະ ແນກ, ບັນດາຄູອາຈານ- ນັກສຶກສາຈາກວິທະຍາ ໄລອ້ອມຂ້າງ, ເຂົ້າຮ່ວມ ຢ່າງພ້ອມພຽງ.
+ ຄູ 3 ໂຮງຮຽນເປົ້າໝາຍ ສຳເລັດການຍົກລະດັບການສອນພາສາຍີ່ປຸ່ນ ຊັ້ນມັດທະຍົມສຶກສາ
+ ກະຊວງສຶກສາຫາລືຜ່ານຮ່າງຂອບການປະເມີນຜົນການສຶກສາສາຍສາມັນ
ໃນໂອກາດດັ່ງກ່າວ, ທ່ານ ກຸແກ້ວ ພົມມະວົງສາ ຮອງຜູ້ອຳນວຍການ ວິທະ ຍາໄລດັ່ງກ່າວ ໃຫ້ຮູ້ວ່າ: ວິທະຍາໄລຂອງຕົນມີຫຼັກ ສູດການຮຽນ-ການສອນ ຊັ້ນກາງ (93), 5 ສາຂາ ວິຊາມີ: ເຕັກໂນໂລຊີລົດ ຍົນ, ໂລຫະກຳວິທະຍາ, ກົນ ຈັກໂຮງງານ, ກົນຈັກໜັກ ແລະ ກົນຈັກກະສິກຳ, ຫຼັກ ສູດ 123 ພາກວິຊາໄຟຟ້າ ເຕັກນິກ ມີ: ການຕິດຕັ້ງໄຟ ຟ້າ, ການຕິດຕັ້ງສ້ອມແປງ ໄຟຟ້າອຸດສາຫະກໍາ, ການ ຕິດຕັ້ງສ້ອມແປງເຄື່ອງ ເອເລັກໂຕຼນິກອຸດສາຫະກຳ, ການຕິດຕັ້ງສ້ອມແປງເຄື່ອງ ເຮັດຄວາມເຢັນ-ເຄື່ອງປັບ ອາກາດ, ການບຳລຸງຮັກ ສາ-ສ້ອມແປງໄຟຟ້າເຂື່ອນ ໄຟຟ້າພະລັງງານນ້ຳ ແລະ ຫຼັກສູດຊັ້ນສູງລະບົບ (12+2+1) ປະກອບມີ 4 ສາຂາວິຊາຄື: ເຕັກໂນໂລ ຊີລົດຍົນ, ໄຟຟ້າເຕັກນິກ, ໂລຫະກຳວິທະຍາ ແລະ ຈັກກົນໂຮງງານ. ໃນສົກ ຮຽນ 2017- 2018 ວິທະ ຍາໄລ ມີພະນັກງານຄູອາ ຈານທັງໝົດ 90 ຄົນ, ຍິງ 28 ຄົນ, ມີນັກຮຽນ-ນັກສຶກ ສາແຕ່ລະຊັ້ນຮຽນທັງໝົດ 1.591 ຄົນ, ຍິງ 127 ຄົນ ແລະ ນັກສຶກສາ DCT ທັງ ໝົດຈຳນວນ 209 ຄົນ, ຍິງ 28 ຄົນ. ສໍາລັບສົກ ຮຽນ 2017-2018 ນີ້ວິ ທະຍາໄລເຕັກນິກລາວ- ເຢຍລະມັນສາມາດສ້າງບຸກ ຄະລາກອນທີ່ຈົບໃນແຕ່ ລະ ລະດັບ ແລະ ສາຂາ ວິຊາ ຕ່າງໆ ມີທັງໝົດ 481 ຄົນ, ຍິງ 20 ຄົນ.
ພິທີດັ່ງກ່າວ, ຍັງໄດ້ ມອບໃບຍ້ອງຍໍໃຫ້ແກ່ນັກ ສຶກສາ ທີ່ມີຜົນງານດີເດັ່ນ ຮອບດ້ານພ້ອມທັງ ຄູ-ອາ ຈານ ແລະ ນັກສຶກສາທີ່ ມີຜົນງານດີເດັ່ນໃນການ ປະກອບສ່ວນປຸກສ້າງ ໂຮງຮຽນປະຖົມ ບ້ານ ນາໂພ ເມືອງລ້ອງຊານ, ແຂວງ ໄຊ ສົມບູນນຳອີກດ້ວຍ./.
