ກອງປະຊຸມຝຶກອົບຮົມການເງິນບ້ານ ແລະ ວຽກງານ 3 ສ້າງຂອງຂະແໜງການເງິນແຂວງວຽງຈັນ

ໃນອາທິດຜ່ານມານີ້, ຢູ່ ທີ່ຫ້ອງວ່າການປົກຄອງ ເມືອງວຽງຄຳ ແຂວງວຽງ ຈັນ ໄດ້ຈັດກອງປະຊຸມຝຶກ ອົບການເງິນບ້ານ ແລະ ວຽກງານ 3 ສ້າງຂອງ ຂະແໜງການເງິນແຂວງ ວຽງຈັນໂດຍການເຂົ້າຮ່ວມ ເປັນປະທານຂອງທ່ານ ສົມພອນ ໄຊຍະທັນ ຮອງ ເລຂາພັກເມືອງ, ຮອງເຈົ້າ ເມືອງໆວຽງຄຳ, ມີຄະນະ ປະຈຳພັກເມືອງ, ກຳມະ ການພັກເມືອງ, ພະນັກງານ ທີ່ ກ່ຽວຂ້ອງ ແລະ ເລຂາ ພັກບ້ານນາຍບ້ານ, 17 ບ້ານ ເຂົ້າຮ່ວມຢ່າງພ້ອມພຽງ.

+ ກອງປະຊຸມສະໄໝສາມັນເທື່ອທີ 5 ຂອງ ສພຂ ບໍລິຄຳໄຊ

+ ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນ້ຳຂອງ-ແມ່ນ້ຳຄົງຄາຄັ້ງທີ 9

ທ່ານ ຄຳຜາຍ ມະນີວົງ ຫົວໜ້າຫ້ອງການການເງິນ ເມືອງວຽງຄຳ ກ່າວວ່າ: ຈຸດ ປະສົງໃນການຝຶກອົບຮົມ ໃນຄັ້ງນີ້ກໍເພື່ອເຮັດໃຫ້ອຳ ນາດການປົກຄອງບ້ານ, ການເງິນບ້ານ ແລະ ພະນັກ ງານ ວິຊາການຂະແໜງ ການເງິນເມືອງ, ມີຄວາມ ຮັບຮູ້, ມີຄວາມເຂົ້າໃຈ ຢ່າງເລິກເຊິ່ງຕື່ມອີກແນ ໃສ່ເຮັດໃຫ້ວຽກງານ 3 ສ້າງ, ວຽກງານການເງິນ ຂອງແຂວງວຽງຈັນ ໄດ້ ຈັດຕັ້ງປະຕິບັດຖືກຕ້ອງ ຕາມຂັ້ນຕອນຂອງລະ ບຽບການ ຖືກຕ້ອງຕາມ ທິດຊີ້ນຳຂອງກົມການ ເມືອງ ສູນກາງພັກ ແລະ ການຊີ້ນຳຂອງຄະນະປະຈຳພັກແຂວງ ຄະນະຊີ້ນຳ ວຽກງານ 3 ສ້າງ ແຂວງ ວຽງຈັນ ເພື່ອເຮັດໃຫ້ການ ຈັດຕັ້ງປະຕິບັດຕົວຈິງ ຢ່າງມີຈຸດສຸມ, ເປັນລະບົບ ຄົບຊຸດເພື່ອຊອກໃຫ້ເຫັນ ດ້ານດີຜົນໄດ້ຮັບໃນແຕ່ລະ ຂົງເຂດວຽກງານ, ດ້ານ ອ່ອນ-ຂໍ້ຄົງຄ້າງ ທີ່ເປັນສິ່ງ ກິດຂວາງຕໍ່ກັບການພັດທະ ນາ ເພື່ອມີວິທີການ-ມາດ ຕະການແກ້ໄຂເຮັດໃຫ້ທະ ລຸບັນດາຄາດໝາຍຕ່າງໆ ຂອງມະຕິກອງປະຊຸມໃຫຍ່ ຄັ້ງທີ X ຂອງພັກກໍຄືມະຕິ ກອງປະຊຸມໃຫຍ່ຄັ້ງທີ V ຂອງອົງຄະນະພັກ ແຂວງ ວຽງຈັນວາງອອກໃຫ້ປະ ກົດຜົນເປັນຈິງ ແລະ ອີງ ຕາມຂໍ້ຕົກລົງຂອງລັດຖະ ມົນຕີວ່າການກະຊວງການ ເງິນວ່າດ້ວຍການເງິນ ບ້ານ ເພື່ອຍົກສູງຄວາມ ສາມາດຂຸດຄົ້ນລາຍຮັບ- ຄຸ້ມຄອງລາຍຈ່າຍງົບປະ ມານຢູ່ຂັ້ນບ້ານຖືກຕ້ອງ ຕາມລະບຽບກົດໝາຍ ແນໃສ່ສ້າງບ້ານເປັນ ຫົວໜ່ວຍພັດທະນາຢ່າງ ແຂງແຮງ./.