ຊາວບ້ານດົງໝາກຢາງດີໃຈພາຍຫລັງມີໂຮງຮຽນປະຖົມຫລັງໃໝ່

ພິທີມອບ-ຮັບ ແລະ ເປີດນຳໃຊ້ອາຄານຮຽນໂຮງຮຽນປະຖົມສົມບູນນາໂພ, ເມືອງໄກສອນ ພົມວິຫານ ແຂວງສະຫວັນນະເຂດ, ໄດ້ມີຂຶ້ນໃນທ້າຍເດືອນ ເມສາມານີ້, ໂດຍມີ ທ່ານ ຄຳພູນ ຕຸໄພທູນ ຮອງເຈົ້າແຂວງໆ ສະຫວັນນະເຂດເຂົ້າຮ່ວມນຳ.

ແຫລ່ງຂ່າວທ້ອງຖິ່ນລາຍ ງານວ່າ: ອາຄານຮຽນດັ່ງກ່າວນີ້ເປັນອາຄານຊັ້ນດຽວມີຂະໜາດກວ້າງ 8 ແມັດ, ຍາວ 49 ແມັດ, ປະກອບມີ 5 ຫ້ອງຮຽນ, ມີຫ້ອງການ, ຫ້ອງສະໝຸດ ແລະ ປະກອບດ້ວຍໂຕະ, ຕັ່ງນັນຮຽນ,  ໂຕະຄູ ແລະ ກະດານຄົບຊຸດ ເຊິ່ງທັງໝົດນີ້ແມ່ນການປະກອບສ່ວນຂອງຄອບຄົວ ແລະ ໝູ່ເພື່ອນຂອງຈຳນວນລັດວິສາຫະກິດໄຟຟ້າລາວສາຂາແຂວງຄຳມວນໃນມູນຄ່າຫລາຍກວ່າ 530 ກີບ.