ຍາມບ້ານເມືອງມີໄພຕ້ອງຮ່ວມໃຈກັນເປັນໜຶ່ງ

  ໂດຍ: ທິດກ່ຳ

ໃນສະໄໝນີ້, ເວົ້າເຖິງ ການປ່ຽນແປງຂອງໂລກ ບໍ່ ມີໃຜຈະຄາດເດົາໄດ້ລ່ວງໜ້າ ແລະ ແມ້ນຢຳ, ສະພາບການ ປ່ຽນແປງສຳຄັນ ແລະ ທ້າ ທາຍທີ່ສຸດແມ່ນການປ່ຽນ ແປງເລື່ອງດິນຟ້າອາກາດບຸດ ໜຶ່ງຮ້ອນ, ບຸດໜຶ່ງໜາວ, ບໍ່ ພໍຄາວພັດມີຝົນຕົກໜ່ຳລົງ ສາມມື້ສາມຄືນ, ເກີດແລ້ງ, ເກີດຖ້ວມ, ເກີດພາຍຸແຜ່ນດິນ ໄຫວ ກາຍເປັນມະຫັນຕະໄພ ທຳລາຍມະນຸດ.

ບໍ່ວ່າຢູ່ບ້ານເພີ່ນ ບ້ານໂຕ ຫວ່າງກາງເດືອນກໍລະກົດ ຜ່ານມານີ້, ທິດກ່ຳໄດ້ມີໂອ ກາດເມື່ອບ້ານເກີດທີ່ພວມ ປະສົບບັນຫານ້ຳຖ້ວມ, ເບິ່ງ ທົ່ງນາປ່າເຂົາເຕັມໄປດ້ວຍ ນ້ຳກວ້າງປານທະເລ. ຢູ່ບໍ່ ຢູ່ໃນ ຕອນເຊົ້າຂອງມື້ໜຶ່ງພັດ ເຫັນເຝື້ອ, ນ້ຳໝອກຕົກເຕັມ ກຸ່ມປານເດືອນຈຽງ ເດືອນ ຍີ່, ບໍ່ພໍຄາວຮອດຕອນສວາຍ ມາອາກາດກໍຮ້ອນ, ຍາມກາງ ຄືນມາພັດມີຝົນຕົກໝົດຄືນ ຊອດແຈ້ງປານເທ ນ້ຳເທທ່າ, ນີ້ລະຄືສັນຍານ ບອກເຕືອນ ເຖິງຄວາມບໍ່ແນ່ນອນຂອງ ສະພາບດິນຟ້າອາກາດໃນ ຍຸກປັດຈຸບັນ.

+ ເລັ່ງກໍ່ສ້າງ​ສູນ​ພັກ​ຊົ່ວຄາວ​ໃຫ້​ຜູ້​ປະສົບ​ໄພ​ນ້ຳຖ້ວມຢູ່​ແຂວງອັດ​ຕະປືໃຫ້ພຽງພໍ

+ ດີໃຈລັດຖະບານຈະເລັ່ງກວດສອບເຫດການໄພນ້ຳຖ້ວມ ເມືອງສະໜາມໄຊໃຫ້ໂປ່ງໃສ

ແນວໃດກໍຕາມ, ມະຫັນ ຕະໄພໃນປີ 2018 ມັນກໍໄດ້ ເກີດ ກັບພວກເຮົາແລ້ວ ເຊັ່ນ: ບັນຫາສັນເຂື່ອນເຊປ່ຽນ- ເຊນ້ຳນ້ອຍແຕກໃນວັນທີ 23 ກໍລະກົດຜ່ານມາ. ມະຫັນຕະ ໄພທີ່ໄດ້ເກີດກັບຊາວເມືອງ ສະໜາມໄຊແຂວງອັດຕະປື ໄດ້ສ້າງຄວາມເສຍຫາຍໃຫ້ ແກ່ຊີວິດ ແລະ ຊັບສິນຂອງ ປະຊາຊົນຢ່າງຫລວງຫລາຍ ຈົນມາຮອດປັດຈຸບັນການ ຊອກຄົ້ນຫາຜູ້ເສຍຊີວິດຫາ ກໍເຫັນແຕ່ 39 ສົບຍັງມີຜູ້ສູນ ຫາຍອີກ 90 ກວ່າຄົນ, ມີປະ ຊາຊົນທີ່ໄດ້ຮັບຜົນກະທົບເຖິງ 3.000 ກວ່າຄົນ, ມາຮອດ ປັດຈຸບັນພາລະກິດການຊອກຄົ້ນຫາໄດ້ຢຸດຕິຊົ່ວຄາວຍ້ອນມີຝົນຕົກໜັກນ້ຳໄຫລຖ້ວມ ເປັນຄັ້ງທີສອງ. ສ່ວນການ ເສຍຫາຍດ້ານຊັບສິນຕ່າງໆ ນັ້ນມີ 6 ບ້ານກ້ຽງເອີດເຕີດ, ມີບາງບ້ານເຮືອນຊານບ້ານຊ່ອງ, ວັດຖຸສັບສິນເງິນຄຳ, ໄຮ່ນາຮົ້ວສວນຖືກເສຍຫາຍຈົນກ້ຽງ ແລະ ຍັງມີຊີວິດ ລອດມາກໍຖືວ່າຍັງເປັນບຸນ ຕາມປະຕິຫານໃນຊີວິດທີ່ ເກີດມາເປັນຄົນ, ເຊິ່ງຕົນເອງ ບໍ່ທັນເຄີຍຮູ້, ເຄີຍເຫັນມາ ແຕ່ນ້ອຍເທົ່າໃຫຍ່.
ແນວໃດກໍດີ, ຕໍ່ສິ່ງທີ່ເກີດ ຂຶ້ນນີ້ ບໍ່ມີໃຜເພິ່ງປາດຖະໜາ, ແຕ່ມັນກໍໄດ້ເກີດກັບພວກເຮົາແລ້ວ, ຄິດວ່າໂຊກຮ້າຍອັນນີ້, ໃນຍຸກນີ້ມັນບໍ່ໄດ້ເກີດພຽງ ແຕ່ຢູ່ບ້ານເຮົາ. ຢູ່ປະເທດ ເພິ່ນ, ບ້ານເມືອງເພິ່ນ ມັນກໍ ເກີດຄືກັນ ຕ່າງແຕ່ວ່າມີຜູ້ ຫລາຍຜູ້ໜ້ອຍ, ມີຜູ້ໂຊກ, ມີຜູ້ຊວຍ ອັນເປັນກົດແຫ່ງ ກຳຂອງຄົນເຮົາທີ່ພາກັນ ເກີດມາແລ້ວຕ້ອງໄດ້ຜ່ານຜ່າ ແລະ ສູ້ກັບຊີວິດຕາມຍະຖາ ກຳທີ່ບໍ່ມີໃຜສາມາດຫລີກ ລ້ຽງໄດ້.

ຕໍ່ສະພາບການ ທີ່ເກີດ ຂຶ້ນຄັ້ງນີ້, ສິ່ງທີ່ພູມໃຈ ກໍເຫັນ ວ່າເມື່ອມີເຫດເກີດຂຶ້ນແລ້ວພວກເຮົາກໍບໍ່ໄດ້ປະຖິ້ມກັນ, ເຫັນຄົນລາວໃນທົ່ວປະເທດໄດ້ປຸ້ມລຸມສາມັກຄີຮັກແພງ ແລະ ຊ່ວຍເຫລືອກັນ, ສະ ແດງຄວາມມີນ້ຳໃຈເອື້ອ ເຟື້ອເພື່ອແຜ່, ມີນ້ຳໃຈມະ ນຸດ ສະທຳ ແລະ ເມດຕາຈິດ ຊ່ວຍເຫລືອກັນທັງແຮງ ກາຍ, ແຮງໃຈ ແລະ ແຮງ ຊັບໄດ້ຫລັ່ງໄຫລ ເຂົ້າສູ່ດິນ ແດນອັດຕະປືຢ່າງຄັບຄາ ໜາແໜ້ນ.

ໃນນີ້, ກໍນັບທັງພະສົງ ອົງຄະເຈົ້າໄດ້ພ້ອມກັນເອົານ້ຳໃຈ, ເງິນ, ເອົາເຄື່ອງອຸປະ ໂພກ-ບໍລິໂພກ ແລະ ສິ່ງຂອງ ຕ່າງໆ ໄປຢ່ຽວຢາຊ່ວຍ ເຫລືອຢ່າງມະຫາສານ. ມາ ຮອດປັດຈຸບັນ, ການອຸປະຖຳ ຄ້ຳຊູຈາກພາກສ່ວນຕ່າງໆ ກໍຍັງດຳເນີນໄປຢ່າງລຽນ ຕິດບໍ່ຂາດໄລຍະ. ນອກນັ້ນ, ທາງການນຳຂອງພັກ-ລັດ ຖະບານໃນທຸກຂະແໜງການນັບແຕ່ຂັ້ນສູນກາງລົງຮອດ ທ້ອງຖິ່ນກໍໄດ້ເອົາໃຈໃສ່ໃກ້ ສິດຕິດແທດເພື່ອໃຫ້ຄວາມ ອົບອຸ່ນເບິ່ງແຍງ ແລະ ແກ້ ໄຂສະພາບທາງດ້ານຈິດໃຈ ໃຫ້ມີຄວາມສະຫງົບ ແລະ ອຸ່ນອ່ຽນທຸ່ນທ່ຽງ.
ປັດຈຸບັນ, ການປຸກສ້າງ ທີ່ພັກຊົ່ວຄາວກໍພວມດຳເນີນໄປຢ່າງເຄັ່ງຮ້ອນ, ກ້າວໄປ ເຖິງການຈັດສັນປຸກສ້າງທີ່ ພັກພາອາໄສຢ່າງຄົບຖ້ວນ ຖາວອນ, ຊອກບ່ອນທຳມາ ຫາກິນຢ່າງໝັ້ນຄົງຍືນຍົງ ໃນຕໍ່ໜ້າ, ນີ້ລະຄືຄວາມເອົາ ໃຈໃສ່ຂອງການນຳພັກ-ລັດ, ຄວາມມີນ້ຳໃຈຂອງຄົນໃນ ຊາດບໍ່ປະປ່ອຍໃຫ້ກັນຕາຍ ອຶດຕາຍຫິວ ແລະ ຕົກທຸກ ໄດ້ຍາກຂາດໆເຂີນໆ ຈົນ ເຖິງຂັ້ນບໍ່ມີຢູ່ມີກິນ.
ພິເສດ, ໜັງສືພິມລາວ ພັດທະນາ ຂໍຊົມເຊີຍກອງ ທັບປະຊາຊົນລາວ ທີ່ບຸກບືນ ຫ້າວຫັນດ້ວຍນ້ຳໃຈຂອງ ຊາຍຊາດທະຫານຕໍ່ພາກິດ ຊ່ວຍເຫລືອປະຊາຊົນຜູ້ທີ່ ຖືກເຄາະຮ້າຍ. ໃນນີ້ກໍຍັງ ມີນັກ ຂ່າວຈາກຫລາຍແຫລ່ງ ສື່ທີ່ຢູ່ພາຍໃນ ແລະ ຕ່າງປະ ເທດ ທີ່ໄດ້ລົງເຖິງຮາກຖານ ຈຸດທີ່ເກີດເຫດເພື່ອນຳເອົາ ຂ່າວຄາວສະພາບຄວາມ ເປັນຈິງມາລາຍງານໃຫ້ສັງຄົມໄດ້ຮັບຮູ້.
ເຖິງຢ່າງໃດກໍດີ, ເທົ່າ ທີ່ທິດກ່ຳໄດ້ຍິນຫາງສຽງ ຈາກແຫລ່ງສື່ບາງຄົນ, ບາງ ກຸ່ມຄົນທີ່ເປັນຄົນລາວຢູ່ພາຍໃນ ແລະ ນອກປະເທດພາກັນ ເວົ້າໃສ່ຮ້າຍປ້າຍສີ, ທັບຖົມ ໂຈມຕີ ແລະ ນຳເອົາແຫລ່ງ ຂ່າວທີ່ຜິດພ້ຽນຈາກຄວາມ ຈິງມາເວົ້າຢ່າງບັງອາດ ເປີດແປນ ແລະ ຂົ່ມເພິ່ນຍໍ ໂຕ, ບໍ່ມີລັກສະນະສ້າງສັນ ຈັກຢາດ.

ເຂົາຢາກເວົ້າ ແນວໃດ ກໍຕາມຊ່າງ, ສ້າງສາປະເທດ ຊາດມາໄດ້ 40 ກວ່າປີຈະ ເລີນຮຸ່ງເຮືອງຊໍ່ານີ້ເຂົາບໍ່ ໄດ້ເອົາເງິນມາຊ່ວຍເຮົາຈັກ ກີບຊ້ຳບໍ່ໜຳຢືມແຜ່ນດິນ ເຂົາຢູ່ເນາະແມ່ບັກລຳເຊ!.