ຢູ 12 ລາວ ຜ່ານເຂົ້າຮອບຊີງ ຊະນະເລີດ ຫລັງຊະນະ ຈີນ 3-1
ນັກກິລາທີມຊາດ ( KIETTISACK INTERNATIONAL BY LOB STADIUM) ຮຸ່ນອາຍຸບໍ່ເກີນ 12 ປີ ຫລື ຢູ 12 ຜ່ານເຂົ້າຮອບຊີງຊະນະເລີດແລ້ວ ຫລັງເອົາຊະນະ ທີມຊາດຈີນ 3-1 ໃນການແຂ່ງຂັນ ຊູງຊີງລີງຄັບ 2018 ທີ່ ສປ ຈີນ ເປັນເຈົ້າພາບ ຈັດຂຶ້ນລະຫວ່າງວັນທີ 11-18 ສິງຫານີ້.
ການແຂ່ງຂັນຄັ້ງນີ້ມີ 8 ປະເທດເຂົ້າຮ່ວມ ແບ່ງອອກເປັນ 2 ກຸ່ມ ຄື: ກຸ່ມເອ ປະກອບມີ ຈີນ, ອິນໂດເນເຊຍ, ກໍາປູເຈຍ, ຟີລິບປິນ; ສ່ວນກຸ່ມບີ ປະກອບມີ ລາວ, ມຽນມາ, ໄທ, ຫວຽດນາມ. ຂະນະທີ່ ທີມຊາດລາວ ລົງສະໜາມ 4 ນັດ ສາມາດເອົາຊະນະ 3 ນັດ, ສະເໝີ 1 ນັດຄື: ເອົາຊະນະ ທີມຊາດໄທ 1-0, ຊະນະ ຫວຽດນາມ 20-0 ແລະ ສະເໝີມຽນມາ ລວມທັງໝົດ ມີ 10 ຄະແນນ, ເປັນອັນດັບທີ 1 ຂອງກຸ່ມບີ ຜ່ານເຂົ້າຮອບ 4 ທີມ ແລະ ໄດ້ລົງສະໜາມໃນນັດຮອບ 4 ທີມ ສາມາດເອົາຊະນະ ທີມຊາດຈີນ 3-1.
ສໍາລັບຕາຕະລາງຂອງທີມຊາດລາວ ໃນວັນທີ 16 ສິງຫາ ເວລາ 9:30 ໂມງ ພົບກັບ ທີມຊາດໄທ ໃນຮອບຊີງຊະນະເລີດ.
