ຄາດວ່າຜົນຜະລິດເຂົ້າໃນແຂວງຄຳມ່ວນຈະຕົກຕ່ຳລົງຍ້ອນນ້ຳຖ້ວມ

ຫົວໜ້າພະແນກກະສິກຳ ແລະ ປ່າໄມ້ ແຂວງຄຳມ່ວນ ລາຍງານໃຫ້ຮູ້ວ່າ: ການ ຜະລິດກະສິກຳປີນີ້ໄດ້ຮັບ ຜົນກະທົບຈາກໄພນ້ຳຖ້ວມໜັກໜ່ວງສົມຄວນ ເຊິ່ງຈະ ເຮັດໃຫ້ຜົນຜະລິດຕົກຕ່ຳ ລົງ, ໂດຍສະເລ່ຍຈະບັນລຸໄດ້ ພຽງ 367.000 ກວ່າໂຕນ ໃນເນື້ອ ທີ 94.650 ເຮັກຕາ (ນາແຊງ+ນາປີ) ແລະ ຄາດວ່າ ຈະມີເຂົ້າເຫລືອແຮ ໄວ້ປະມານ 119 ພັນໂຕນ.

+ ຊາວກະສິກອນໃນທົ່ວແຂວງຄຳມ່ວນ ເກັບກ່ຽວເຂົ້ານາແຊງສຳເລັດແລ້ວ 80,91%

+ ແຂວງເຊກອງປັກດຳນາປີສຳເລັດກວ່າ 70%

ສ່ວນວ່າການປູກພືດລະດູ ແລ້ງ ແລະ ລະດູຝົນຄາດ ຄະເນຜົນຜະລິດຈະໄດ້ 121.970 ໂຕນ ໃນນີ້ພືດລະ ດູແລ້ງຈະເກັບກູ້ໄດ້ 53.190 ໂຕນ ແລະ ພືດລະດູຝົນໄດ້ 68.780 ໂຕນ.

ຫົວໜ້າພະແນກການ ດັ່ງກ່າວ ໃຫ້ຮູ້ອີກວ່າ: ຈະໄດ້ ເພີ່ມທະວີການປູກເຂົ້ານາ ແຊງໃຫ້ໄດ້ 10.000 ເຮັກ ຕາ, ຄາດຄະເນສະມັດຕະ ພາບປະມານ 5,64 ໂຕນ/ ເຮັກຕາ.

ສ່ວນການປູກພືດແມ່ນຈະເອົາໃຈໃສ່ຊຸກຍູ້ສົ່ງເສີມ ການ ຜະລິດພືດສະບຽງໃຫ້ ກວ້າງຂວາງໃນຂອບເຂດ ທົ່ວແຂວງ ເພື່ອໃຫ້ສາມາດ ຄ້ຳປະກັນການສະໜອງໃຫ້ ແກ່ສັງຄົມ ໄດ້ໂດຍພື້ນຖານ, ປູກຫລາຍກວ່າໝູ່ແມ່ນສາ ລີຫວານ, ເຜືອກ-ມັນ ແລະ ພືດຜັກອື່ນໆ ຈຳນວນໜຶ່ງ ແລະ ເສີມການປູກພືດເປັນ ສິນຄ້າມີທ່າແຮງທາງດ້ານ ການຕະຫລາດພາຍໃນ ແລະ ສົ່ງອອກເຊັ່ນ: ອ້ອຍ, ມັນຕົ້ນ, ຢາສູບ ແລະ ພືດ ຜັກອື່ນໆ./.