ການນໍາ ທຫລ ມອບລາງວັນໃຫ້ 2 ປະເພດກິລາ
ເພື່ອເປັນການເສີມສ້າງ ສຸຂະພາບ, ມິດຕະພາບ ແລະ ທັງເປັນການສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງທະນາ ຄານແຫ່ງ ສປປ ລາວ (ທຫລ) ຄົບຮອບ 50 ປີ; ໄດ້ຈັດຕັ້ງການແຂ່ງຂັນກິລາປະເພດຕ່າງໆ ນັບແຕ່ເດືອນກໍລະກົດ ເປັນຕົ້ນມາ ແລະ ໃນວັນທີ 11 ສິງຫາ ທີ່ເດີ່ນກິລາໃນຮົ່ມຂອງສູນກາງຊາວໜຸ່ມ ປະຊາຊົນ ປະຕິວັດລາວ ນະຄອນຫຼວງວຽງຈັນ ໄດ້ມີການມອບລາງວັນໃຫ້ 2 ປະເພດກິລາ ທີ່ສໍາເລັດ ໂດຍທ່ານ ສອນໄຊ ສິດພະໄຊ ຮອງຜູ້ວ່າການ ທຫລ.
ການແຂ່ງຂັນກິລາດອກປີກໄກ່ ທິມຄູ່ຍິງ ຊະນະເລີດ ໄດ້ແກ່ຄະນະກິລາທະນາຄານການຄ້າຕ່າງປະເທດລາວ ມະຫາຊົນ (ທຄຕລ), ຮອງຊະນະເລີດ ໄດ້ແກ່ຄະນະກິລາທະນາຄານຊາຄອມແບັງ; ກິລາປະເພດດອກປີກໄກ່ ທິມຄູ່ຊາຍ ຊະນະເລີດ ໄດ້ແກ່ ທະນາຄານຮ່ວມທຸລະກິດລາວ-ຫວຽດ, ຮອງຊະນະເລີດ ໄດ້ແກ່ ທຄຕລ ແລະ ທິມຄູ່ປະສົມ ຍິງ-ຊາຍ ຊະນະເລີດ ໄດ້ແກ່ ທຄຕລ, ຮອງຊະນະເລີດ ໄດ້ແກ່ ທຫລ; ສໍາລັບ ການແຂ່ງຂັນກິລາປິງປ່ອງ ທິມຄູ່ຍິງ ຊະນະເລີດ ທຄຕລ, ຮອງຊະນະເລີດ ທະນາຄານອຸດສາ ຫະກໍາ ການຄ້າຈີນ; ທິມຄູ່ຊາຍ ຊະນະເລີດ ທະນາຄານອຸດສາຫະກໍາ ການຄ້າຈີນ, ຮອງຊະນະເລີດ ທຄຕລ ແລະ ທິມຄູ່ປະສົມ ຍິງ-ຊາຍ ຊະນະເລີດ ທຄຕລ , ຮອງຊະນະເລີດ ໄດ້ແກ່ຄະນະກິລາທະນາຄານນະໂຍບາຍ.
ໃນມື້ດຽວກັນ ກໍໄດ້ຈັດໃຫ້ມີການແຂ່ງຂັນບານເຕະຮອບຄັດເລືອກ ເພື່ອຂໍ່ານັບຮັບຕ້ອນ ວັນສ້າງຕັ້ງ ທຫລ ຄົບຮອບ 50 ປີ ໂດຍຄະນະກິລາບານເຕະທະນາຄານອິນໂດຈີນ ຊະນະ ຄະນະກິລາບານເຕະກອງທຶນປົກປ້ອງຜູ້ຝາກເງິນ, ທະນາຄານຫວຽດຕິນ ຊະນະ ທະນາຄານແຄນນາເດຍ, ທະນາ ຄານພັດທະນາລາວ ຊະນະ ທະນາຄານລາວ-ຝະຣັ່ງ, ທຄຕລ ຊະນະ ທະນາຄານຫຸ້ນສ່ວນການຄ້າ, ທະນາຄານຮ່ວມພັດທະນາ ຊະ ນະ ທະນາຄານ ເອັສທີ, ທະນາຄານຊາຄອມແບັງ ສະເໝີ ທະນາຄານ ຮ່ວມທຸລະກິດ ລາວ-ຫວຽດ; ພິເສດການແຂ່ງຂັນບານເຕະໃນຄັ້ງນີ້ ທະນາຄານນະໂຍບາຍ ຍິງປະຕູຂອງທະນາຄານອຸດສາຫະກໍາການຄ້າຈີນ ໄດ້ສູງເຖິງ 17-1 ແລະ ໃນຂະນະດຽວກັນສະຖາບັນທະນາຄານ ກໍ່ຕີຊະນະ ທະນາຄານມາຣູຮານ+ທະນາຄານ+ພາບບລິກ ວຽງຈັນ ດ້ວຍ 16-0 ແລະ ໃນໄລຍະດຽວກັນ ກໍ່ໄດ້ມີການແຂ່ງຂັນບານຕີ ຮອບຄັດເລືອກ ເຊັ່ນດຽວກັນ.
# ຂ່າວ-ພາບ: ຣັດສະໝີ ດວງສັດຈະ
