ວີໂວນາມລາວ ຍາດໄດ້ 1 ຫລຽນຄໍາ 3 ຫລຽນເງິນ 2 ຫລຽນທອງ
ນັກກິລາວີໂວນາມທີມຊາດລາວ ສາມາດຍາດໄດ້ 1 ຫລຽນຄໍາ, 3 ຫລຽນເງິນ, 2 ຫລຽນທອງ ໃນລາຍການຊີງແຊ້ມອາຊຽນຄັ້ງທີ 5 ທີ່ປະເທດມຽນມາ ຈັດຂຶ້ນລະຫວ່າງວັນທີ 7-12 ສິງຫາຜ່ານມານີ້.
ທ່ານ ວຽງສຸກ ຮັ່ງເງິນ ຄູຝຶກນັກກິລາວີໂວນາມທີມຊາດລາວ ໃຫ້ສໍາພາດວ່າ: ການແຂ່ງຂັນຄັ້ງນີ້ ພວກເຮົາສົ່ງນັກກິລາເຂົ້າຮ່ວມທັງໝົດ 3 ຄົນ ໃນ 8 ລາຍການ, ຜ່ານການແຂ່ງຂັນ ນັກກິລາຂອງພວກເຮົາສາມາດຍາດໄດ້ 1 ຫລຽນຄໍາ, 3 ຫລຽນເງິນ, 2 ຫລຽນທອງ. ສໍາລັບທ້າວ ໄພລັດ ທຳມະວົງສາ ສາມາດຍາດໄດ້ 1 ຫລຽນຄໍາ, 1 ຫລຽນເງິນ ໃນປະເພດຟ້ອນປະກອບອາວຸດ ຮຸ່ນນໍ້າໜັກ 60 ກິໂລ; ສ່ວນນາງ ພິກສະໄໝ ອິນສຸມັງ ສາມາດຍາດໄດ້ 1 ຫລຽນເງິນ, 1 ຫລຽນທອງ ໃນປະເພດຟ້ອນດ່ຽວຍິງ ແລະ ຟ້ອນຄູ່ຍິງ; ຂະນະທີ 1 ຫລຽນເງິນ ແລະ 1 ຫລຽນທອງ ໄດ້ຈາກນາງ ມາລາ ຈັນທະລັກສາ ປະເພດຕໍ່ສູ້ ຮຸ່ນນໍ້າຫນັກ 48 ກິໂລ ແລະ ປະເພດຟ້ອນດາບຄູ່.
ລາຍການນີ້ ມີຊິງໄຊທັງຫມົດ 35 ລາຍການ ລວມປະເພດຟ້ອນ ແລະ ຕໍ່ສູ້ ໂດຍມີນັກກິລາຈາກ 8 ປະເທດໃນອາຊຽນ ແລະ ຕີມໍເລສເຕ ເຂົ້າຮ່ວມເຊັ່ນ: ກຳປູເຈຍ, ອິນໂດເນເຊຍ, ສປປ ລາວ, ຟິລິບປິນ, ໄທ, ຫວຽດນາມ, ຕີມໍເລສເຕ ແລະ ມຽນມາເຈົ້າພາບ.
