U16 ອິນໂດເນເຊຍ ດວນຈຸດໂທດຊະນະ U16 ໄທ ສ້າງປະຫວັດສາດຄວ້າແຊ້ມອາຊຽນ ຄັ້ງທຳອິດ

ວັນ​ທີ 11 ສິງຫາ 2018 ຮອບຊິງຊະນະເລີດ ການແຂ່ງຂັນບານ​ເຕະຊາຍ U16 ຊິງແຊ້ມອາຊຽນ ປະຈຳປີ 2018 ທີ່ອິນໂດເນເຊຍ ເປັນການດວນກັນລະຫວ່າງ U16 ເຈົ້າພາບ ອິນ​ໂດ​ເນ​ເຊຍ ທີ່ເຂົ້າຊິງເປັນຄັ້ງທີ 2 ຕໍ່ຈາກປີ 2013 ພົບກັບ U16 ໄທ ແຊ້ມ 3 ສະໄຫມ ໂດຍມີຜູ້ຊົມລົ້ນສະໜາມ Gelora Delta Stadium 35.000 ກວ່າຄົນ.

ນັດນີ້ ເຈົ້າພາບບໍ່ເຮັດໃຫ້ແຟນບານຜິດຫວັງ ດວນຈຸດໂທດຊະນະ U16 ໄທ 4-3 ເວລາປົກກະຕິສະເໝີກັນ 1-1 ອິນໂດນຳກ່ອນຕັ້ງທີ 1 ໄທຕີສະເໝີຕັ້ງທີ 2. U16 ອິນໂດເນເຊຍ ເຈົ້າພາບ ສ້າງປະຫວັດສາດຄວ້າແຊ້ມອາຊຽນ ຄັ້ງທຳອິດ. ຂະນະທີ່ U16 ໄທ ໄດ້ຮອງແຊ້ມເປັນປີທີ 2 ຕິດຕໍ່ກັນ. ສ່ວນຄູ່ຊິງທີ 3 U16 ມາເລເຊຍ ຊະນະ U16 ມຽນມາ 1-0.