ທີມຊາດລາວ ຕົກຮອບ ຫລັງເສຍໃຫ້ ທີມຊາດມາເລເຊຍ

​     ໃນ​ວັນ​ທີ 7 ສິງຫາ 2018 ຢູ 16 ທີ​ມຊາດ​ລາວ ​ຕົກ​ຮອບ ​ຫລັງ​ເສຍ​ໃຫ້​ ທີ​ມຊາດ​ມາ​ເລ​ເຊຍ ​1-0  ຂອງການແຂ່ງຂັນບານເຕະ ຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U16 CHAMPIONSHIP 2018.

ການແຂ່ງຂັນບານເຕະຊາຍຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U16 CHAMPIONSHIP 2018 ມີ ທີມເຂົ້າຮ່ວມທັງຫມົດ 11 ປະເທດ ແບ່ງອອກເປັນ 2 ກຸ່ມຄື: ກຸ່ມ ເອ ປະກອບ​ມີ: ຫວຽດນາມ, ມຽນມາ, ກຳປູເຈຍ, ອິນໂດເນເຊຍ, ຕີມໍ ເລສເຕ ແລະ ຟີລິບປິນ. ສ່ວນກຸ່ມ ບີ ປະກອບ​ມີ: ໄທ, ມາເລເຊຍ, ລາວ, ບຣູໄນ ແລະ ສິງກະໂປ.

ທີ​ມຊາດ​ລາວ ຖືກ​ຈັດ​ຢູ່​ອັນດັບ 3 ກຸ່ມ ບີ ລົງແຂ່ງຂັນ 4 ນັດ, ຊະນະ 2 ສະ​ເໝີ 1 ເສຍ 1 ມີ 7 ຄະແນນ, ຕົກ​ຮອບ​ທັນ​ທີຫລັງ​ເສຍ​ໃຫ້ ​ທີ​ມຊາດ​ມາ​ເລ​ເຊຍ. ຂະນະທີ່ ທີ​ມຊາດມາເລເຊຍ ເຂົ້າຮອບເປັນອັນດັບ 2 ມີ 9 ຄະແນນ, ສ່ວນທີ​ມຊາດໄທ ມີ 10 ຄະແນນ ເປັນອັນດັບ 1 ກຸ່ມ ບີ.