ອາຊາ ຄ່າຕົວອາດແພງກ່ອນ ເນມາ
ສະໂມສອນ ເຊລຊີ ແຈ້ງຄ່າຕົວຂອງ ເອເດນ ອາຊາ ກັບສະໂມສອນ ຣີລ ມາດຣິດ ເປັນທີ່ຮຽບຮ້ອຍແລ້ວ ແລະ ເປັນນັກເຕະທີ່ມີຄ່າຕົວອາດແພງກ່ອນໝູ່ໃນໂລກ ແລະ ຫລາຍກ່ອນ ເນມາ.
ຕາມການລາຍງານຂ່າວຂອງຕ່າງປະເທດລາຍງານວ່າ: ສະໂມສອນ ເຊລຊີ ຕັ້ງຄ່າຕົວຂອງ ເອເດນ ອາຊາ ປີກທີມຊາດເບວຢ້ຽມ ໄວ້ສູງເຖິງ 225 ລ້ານປອນ ເຊິ່ງເປັນທີ່ເຂົ້າໃຈວ່າ ອາຊາ ຕົກເປັນເປົ້າໝາຍຂອງປະທານສະໂມສອນ ຣີລ ມາດຣິດ ໃນລະດູການນີ້ ເພື່ອມາແທນ ຄຣີສເຕຍໂນ ໂຣນັລໂດ້ ທີ່ຍ້າຍໄປຮ່ວມສະໂມ ຢູເວນຕຸສ.
ຢ່າງໃດກໍຕາມ ລາຍງານຫລ້າສຸດ ຜູ້ຊ່ຽວຊານຂອງອັງກິດ ໄດ້ລະບຸວ່າ: ສະໂມສອນ ເຊລຊີ ແຈ້ງຄ່າຕົວຂອງ ອາຊາ ກັບສະໂມສອນ ຣີລ ມາດຣິດ 225 ລ້ານປອນ ແລະ ຖ້າສະໂມສອນ ຣີລ ມາດຣິດ ຕອບຕົກລົງ ອາຊາ ອາດຈະກາຍເປັນນັກເຕະທີ່ແພງທີ່ສຸດໃນໂລກແທນທີ່ ເນມາ ເຈົ້າຂອງຄ່າຕົວແພງທີ່ສຸດໃນໂລກ 198 ລ້ານປອນ.
