ຢູ 16 ລາວ ຍັນສະເໝີ ໄທ 0-0 ກຽມລຸ້ນອີກ 1 ຄັ້ງ
August 6, 2018 - 4:24 PM
ນັກກິລາບານເຕະທີມຊາດ ຢູ 16 ລາວ ລົງສະໜາມຄັ້ງທີ 3 ສາມາດຕີສະເໝີ ທີມຊາດໄທ 0-0 ໃນວັນທີ 5 ສິງຫາຜ່ານມາ ທີ່ສະໜາມ JOKO SAMUDRO STADIUM ຂອງການແຂ່ງຂັນບານເຕະ ຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U16 CHAMPIONSHIP 2018.
ການແຂ່ງຂັນບານເຕະຊາຍຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U16 CHAMPIONSHIP 2018 ມີ ທີມເຂົ້າຮ່ວມທັງຫມົດ 11 ປະເທດ ແບ່ງອອກເປັນ 2 ກຸ່ມຄື: ກຸ່ມ ເອ ປະກອບມີ: ຫວຽດນາມ, ມຽນມາ, ກຳປູເຈຍ, ອິນໂດເນເຊຍ, ຕີມໍ ເລສເຕ ແລະ ຟີລິບປິນ. ສ່ວນກຸ່ມ ບີ ປະກອບມີ: ໄທ, ມາເລເຊຍ, ລາວ, ບຣູໄນ ແລະ ສິງກະໂປ.
ສໍາລັບຕາຕະລາງການລົງສະໜາມຂອງ ທີມຊາດລາວ ຍັງເຫລືອການແຂ່ງຂັນ 1 ຄັ້ງຄື: ວັນທີ 7 ສິງຫາ ເວລາ 15:00 ໂມງ ພົບ ມາເລເຊຍ ຢູ່ສະໜາມ JOKO SAMUDRO STADIUM ແລະ ຕ້ອງລຸ້ນຜ່ານເຂົ້າຮອບ ຖ້າສະເໝີແມ່ນຜ່ານເຂົ້າຮອບທັນທີ, ແຕ່ຖ້າເສຍແມ່ນຕົກຮອບເລີຍ.
