ອາຫານທີ່ທ່ານຄວນກິນ ແລະ ຄວນຫລີກເວັ້ນກ່ອນເຂົ້າຫ້ອງເສັງ

     ສຳລັບອາຫານທີ່ຄວນກິນກ່ອນຈະເຂົ້າຫ້ອງສອບເສັງ ໃຫ້ຖືເອົາຫລັກການວ່າຄວນເປັນອາຫານທີ່ຍ່ອຍງ່າຍ ເພື່ອຈະໄດ້ບໍ່ ຍ່ອຍໝົດໄປກ່ອນສອບເສັງ ຈະໄດ້ປ່ຽນເປັນພະລັງງານໃຫ້ເຮົາສູ້ກັບຂໍ້ສອບເສັງໄດ້ ເປັນຕົ້ນແມ່ນອາຫານທີ່ມີໄຂມັນຕໍ່າ ແລະ ມີປະລິມານໂປຣຕິນບໍ່ຫລາຍປານໃດ ໃຫ້ເປັນອາຫານທຳມະດາທີ່ຖືກຫລັກໂພຊະນາການ, ຫລີກເວັ້ນການບໍລິໂພກອາຫານທີ່ເຮັດໃຫ້ເກີດແກ໊ສໃນກະເພາະອາຫານ ເຊັ່ນ : ພິກໄທ, ຜັກກະລໍ່າ, ຜັກດອງ ເຊິ່ງຈະເຮັດໃຫ້ຮູ້ສຶກໝຸດໝັດບໍ່ສະບາຍໃນທ້ອງ, ຫລີກເວັ້ນອາຫານລົດຊາດເຜັດ ຫລື ອາຫານທີ່ມີລົດຊາດຫວານຫລາຍ ແລະ ຄວນເປັນອາຫານທີ່ເຮົາລຶ້ງເຄີຍ ເພາະຫລາຍຄົນຄົງບໍ່ຢາກຈະມີປະສົບການເຈັບທ້ອງ, ປວດຖ່າຍ ຫລື ຕົດໃນຫ້ອງສອບເສັງ.

ບໍ່ຄວນຈະອົດອາຫານກ່ອນການສອບເສັງ ເພາະທ່ານອາດຈະຫິວໃນຫ້ອງສອບເສັງ, ຖ້າຮູ້ສຶກບໍ່ຢາກກິນອາຫານ ອາດຈະເປັນຍ້ອນເກີດຈາກຄວາມເຄັ່ງຄຽດ  ແລະ ອາດຈະຕື່ນສວາຍກິນເຂົ້າບໍ່ທັນ ຈຶ່ງຂໍແນະນຳໃຫ້ກິນກາລະເປົາແທນ ເຊິ່ງນອກຈາກຈະງ່າຍຕໍ່ການຍ່ອຍແລ້ວ ຍັງຫາຊື້ງ່າຍນຳອີກ ຫລື ຈະກິນເຂົ້າປຽກເຂົ້າ ຫລື ໂຈ໊ກກໍໄດ້, ແຕ່ບໍ່ຄວນໃສ່ຂີງດິບ ແລະ ໃສ່ເຄື່ອງປຸງລົດຊາດເຜັດ ລວມທັງໄຂ່ສຸກນຳ ແລະ ຕໍ່ໄປນີ້ແມ່ນກຸ່ມອາຫານທີ່ຍ່ອຍຍາກ.

– 30 ນາທີ ແມ່ນນ້ຳ, ກາເຟ ແລະ ແກງຈືດ ເຊິ່ງໃຊ້ເວລາໃນການຍ່ອຍດົນເຖິງ 30 ນາທີ.

– 1 ຊົ່ວໂມງແມ່ນເຂົ້າຈີ່, ເຂົ້າໜົມປັງ, ໂຢເກິດ, ນົມ, ຜະລິດຕະພັນເຮັດຈາກນົມ ແລະ ໝາກໄມ້ທີ່ເຮັດໃຫ້ສຸກໂດຍການໜຶ້ງຫລືຕົ້ມ.

– 2 ຊົ່ວໂມງ ແມ່ນໝາກໄມ້,ຜັກ, ມັນຝຣັ່ງບົດ, ປາໄຂມັນຕໍ່າ.

– 3 ຊົ່ວໂມງ ແມ່ນເຂົ້າໜົມທີ່ເຮັດຈາກແປ້ງທຸກຊະນິດ, ເຂົ້າໜົມປັງໂຮຫວີດ.

– 4 ຫາ 7 ຊົ່ວໂມງ ແມ່ນຊີ້ນ ໝູ, ອາຫານຈືນ, ເຫັດ, ໝາກໄມ້ເປືອກແຂງ.

– 8 ຫາ 9 ຊົ່ວໂມງ ແມ່ນຂາໝູ, ຜັກກະລໍ່າ.

– ສຳລັບກຸ່ມນົມ ແລະ ໂຢເກິດ ຖ້າໃຜກິນນົມແຕ່ນ້ອຍໆຈະເຮັດໃຫ້ຮ່າງກາຍສາມາດຜະລິດເອັນໄຊໃນການຍ່ອຍແລັກໂຕສໄດ້, ແຕ່ຖ້າໃຜບໍ່ເຄີຍກິນ ຫລື ດົນໆກິນເທື່ອໜຶ່ງ ກໍອາດຈະຍື່ງທ້ອງ ແລະ ເຈັບທ້ອງຖ່າຍໄດ້ງ່າຍ.