ພ້ອມກັນມີສະຕິຕໍ່ມະຫັນຕະໄພໃນຍຸກໂລກາພິວັດ

 ໂດຍ: ກ້ອງສ່ອງ ອິດສະຫລະ   

ໃນສະພາບ ແລະ ເງື່ອນ ໄຂປັດຈຸບັນ ຕ້ອງຍອມຮັບວ່າ ບັນຫາດິນຟ້າອາກາດຢູ່ບ້ານ ເຮົານັບມື້ມີການປ່ຽນແປງ ໄປໃນລັກສະນະຮຸນແຮງຂຶ້ນນັບມື້ສັງເກດເຫັນໄດ້ວ່າໃນ ຊ່ວງລະດູຝົນປີນີ້ມີພາຍຸເຂົ້າ ຫລາຍລູກ, ເກີດມີຝົນຕົກ ໜັກ, ມີຫລາຍເຂດແຂວງ ໃນ ທົ່ວປະເທດປະສົບກັບບັນຫາ ອຸທົກກະໄພຖືກນ້ຳຖ້ວມໜັກ ສ້າງຄວາມເສຍຫາຍທາງ ດ້ານເສດຖະກິດ-ສັງຄົມຂອງປະເທດຢ່າງໜັກໜ່ວງ ແລະ ຫລວງຫລາຍພາຍມາກ.

+ ອົງການສາກົນຕ່າງໆໃຫ້ການຊ່ວຍເຫລືອຜູ້ປະສົບໄພນ້ຳຖ້ວມຢູ່ແຂວງອັດຕະປື

+ ຈົ່ງມີສະຕິສະກັດກັ້ນພະຍາດຫລັງນ້ຳຖ້ວມ

ຈາກເຫດການເຂື່ອນເຊປຽນ-ເຊນ້ຳນ້ອຍ ແຕກທະ ລຸທະລັງທະລາຍ ຢູ່ທີ່ເມືອງ ສະໜາມໄຊ ແຂວງອັດຕະປື ສ່ວນໜຶ່ງກໍມາຈາກຝົນຕົກ ໜັກລະດັບນ້ຳໃນເຂື່ອນລົ້ນ ອັ່ງເກີນລະດັບແຮງດັນເຮັດ ໃຫ້ສັນເຂື່ອນແຕກແຫງຊຳ ລຸດຈົນໃນທີ່ສຸດເຂື່ອນກໍແຕກນ້ຳທັ່ງທະລຸເປັນຄື້ນ 5 ແມັດ 10 ແມັດ. ໄຫລຊຸທັ່ງລົງສູ່ ພື້ນທີ່ ຕ່ຳກາຍເປັນມະຫັນ ຕະໄພທຳລາຍຊີວິດຂອງຄົນ, ສັດສາວາສິ່ງ ແລະ ພື້ນຖານ ການຜະລິດຢ່າງໜ້າສັງເວດ.

ປັດຈຸບັນ, ຍັງມີຄົນຫາຍ ສາບສູນ ເປັນຈຳນວນຫລາຍ ທີ່ຍັງຊອກຄົ້ນຫາບໍ່ທັນເຫັນ, ເຮືອນຊານ ບ້ານຊ່ອງຖືກ ທຳລາຍຢ່າງຮ້າຍແຮງພື້ນ ຖານການຜະລິດເສຍຫາຍ ແປນເອີດເຕີດ, ນີ້ລະຄືຜົນ ຮ້າຍ ຈາກມະຫັນຕະໄພທຳ ມະຊາດທີ່ກັບກາຍມາທຳ ລາຍລ້າງຜານມະນຸດ.

ນອກຈາກເກີດມະຫັນ ຕະໄພທີ່ແຂວງອັດຕະປືແລ້ວ, ຢູ່ແຂວງອື່ນໆ ໃນທົ່ວປະເທດ ກໍໄດ້ຮັບຜົນກະທົບຈາກພາ ຍຸຝົນຕົກໜັກນ້ຳຖ້ວມຢ່າງ ກວ້າງຂວາງ ແລະ ໜັກໜ່ວງ ເຊັ່ນ: ແຂວງຫລວງນ້ຳທາ, ອຸດົມໄຊ, ໄຊຍະບູລີ, ຄຳ ມ່ວນ, ສະຫວັນນະເຂດ ແລະ ຈຳປາສັກ, ໃນບັນດາແຂວງ ທີ່ກ່າວມານີ້, ແຂວງທີ່ໄດ້ ຮັບຜົນກະທົບໜັກກວ່າໝູ່ ກໍແມ່ນແຂວງອຸດົມໄຊ ແລະ ຄຳມ່ວນ.
ແນວໃດກໍຕາມ, ມາຮອດ ປັດຈຸບັນເຮົາຄິດວ່າໃນຊ່ວງ ລະດູຝົນປີນີ້ມັນຈະແກ່ຍາວ ໄປຮອດ ເດືອນກັນຍາ ຫລື ຕຸລາ ແລະ ອາດຈະມີພາຍຸອີກ ຫລາຍລູກເຂົ້າມາລຳລາຍຊີ ວິດ ແລະ ຊັບສິນຂອງ ປະຊາ ຊົນບັນດາເຜົ່າໃນທົ່ວປະເທດ.

ຕາມເຮົາຄິດ, ເມື່ອໝົດ ລະດູຝົນແລ້ວ ພັດກ້າວເຂົ້າ ລະດູແລ້ງໂດຍສະເພາະຊ່ວງ ເດືອນພະຈິກ, ທັນວາ 2018 ແກ່ຍາວໄປຮອດເດືອນມັງ ກອນ, ກຸມພາ ຂອງປີ 2019 ພັດເປັນຍາມໜາວອາດຈະ ກໍ່ໃຫ້ເກີດມີໄພໜາວກໍເປັນ ໄດ້, ຕົກເຂົ້າເດືອນເມສາ, ພືດ ສະພາພັດອາກາດຮ້ອນຈັດ ອຸນຫະພູມເກີນສາມສິບ, ສີ່ສີບ ອົງສາ ໄປຮອດລະດູຝົນຂອງ ປີໜ້າອາດ ເກີດເຫດນ້ຳຖ້ວມ ໜັກກວ່າກໍເປັນໄດ້ຖ້າເຮົາ ຂາດສະຕິປ້ອງກັນເຝົ້າລະວັງ.

ສະນັ້ນ, ເຮົາຄິດວ່າຕໍ່ວົງ ຈອນ ການປ່ຽນແປງຂອງ ດິນ ຟ້າອາ ກາດຢູ່ບ້ານເຮົາກໍ ຄືຢູ່ໃນໂລກມະນຸດມັນບໍ່ມີ ອັນໃດຈະແນ່ນອນ, ຊ້ຳບໍ່ໜຳ ເກີດມະຫັນຕະໄພຕາມມາ ແລ້ວກະທົບໄປຫລາຍບັນຫາຕໍ່ ຊີວິດການເປັນຢູ່ຂອງປະຊາ ຊົນເຮົາດ້ວຍສາເຫດດັ່ງກ່າວ, ໃນຂົງເຂດວຽກຕ້ານ ແລະ ສະກັດກັ້ນຕໍ່ມະຫັນຕະໄພທີ່ ເກີດຂຶ້ນມັນເປັນວຽກ ໃໝ່ໃນ ຍຸກໂລກາພິວັດ ເຊິ່ງພວກ ເຮົາ ຈະຕ້ອງໄດ້ເອົາໃຈໃສ່ເປັນ ພິເສດ.

ໃນສະໄໝພໍ່ແມ່ປູຍ່າຕານາຍເຮົາ, ເວົ້າເຖິງແລ້ງເຖິງ ຖ້ວມມັນກໍຫາກມີຢູ່ແຕ່ວ່າບໍ່ ເຖິງຂັ້ນເຮັດໃຫ້ຄົນ, ເສຍຊີວິດ ຄືສະໄໝນີ້, ເມື່ອຕັ້ງໂຈດກັນ ວ່າມະຫັນຕະໄພທີ່ວ່ານີ້ມັນ ເກີດມາຈາກໃສ? ຄຳຕອບກໍຄື ມັນ ເກີດມາຈາກວັດຕະຈັກ ຂອງໂລກໄດ້ມີການປ່ຽນ ແປງໃນຕົວມັນເອງ, ອັນສອງ ມາກໍແມ່ນເກີດຈາກຄົນເຮົາ ທຳລາຍທຳມະຊາດ. ຄວາມ ຍືນຍົງ ຂອງທຳມະຊາດ ແລະ ສິ່ງແວດລ້ອມນັບມື້ເຫືອດ ໄປທີ່ລະໜ້ອຍ ການສ້າງສາ ພັດທະນາຂອງແຕ່ລະປະເທດໃນໂລກມີຜົນເຊື່ອມໂຍງ ແລະ ກະທົບໄປເຖິງສະພາວະຂອງ ດິນຟ້າ ອາກາດ ແລະ ສິ່ງແວດ ລ້ອມ.

ເພື່ອຫລີກລ້ຽງມະຫັນ ຕະໄພທີ່ວ່ານີ້, ກ່ອນອື່ນຕ້ອງ ພ້ອມກັນມີສະຕິ, ຈະເຮັດຫຍັງ ທຳຫຍັງລົງ ໄປຕ້ອງຄຳນຶງ ເຖິງຄວາມຍືນຍົງ ແລະ ບໍ່ມີ ຜົນກະທົບຕໍ່ຊີວິດຂອງຄົນ ແລະ ສິ່ງແວດລ້ອມ. ໃນພາລະ ກິດສ້າງສາພັດທະນາປະເທດຊາດໃຫ້ກ້າວໄປທຽມທັນກັບໂລກ ເປັນສິ່ງຈຳເປັນ ແລະ ເປັນບັນຫາຍຸດທະສາດສຳ ລັບບ້ານເຮົາໃນຍຸກປັດຈຸບັນ.

ຖ້າບ້ານເພິ່ນເຮັດບ້ານ ເຮົາບໍ່ສ້າງຄວາມເສຍປຽບ ມັນກໍຕາມມາ. ສຸດທ້າຍຄວາມ ລ້າຫລັງ ແລະ ດ້ອຍພັດທະ ນາກໍເປັນແອກຂົ່ມຄໍໄປຕະ ຫລອດ, ແຕ່ສິ່ງສຳຄັນເມື່ອ ກະທຳໄປແລ້ວຕ້ອງມີຜົນປະ ໂຫຍດສູງສຸດຕໍ່ປະເທດຊາດ ແລະ ຕໍ່ປະຊາຊົນ, ທັງບໍ່ມີຜົນ ກະທົບຕໍ່ຊີວິດ ແລະ ຊັບສິນ ຂອງພົນລະເມືອງນັ້ນລະຈຶ່ງ ສາມາດປັດສະຈາກມະຫັນ ຕະໄພໂດຍຊິ້ນເຊີງ./.