ວິທີບໍລິຫານສາຍຕາເມື່ອໃຊ້ສະມ໊າດໂຟນດົນໆ

ການຈ້ອງເບິ່ງໂທລະສັບດົນໆກໍສາມາດເຮັດໃຫ້ສາຍຕາຂອງທ່ານອິດເມື່ອຍ ແລະ ດົນໆໄປອາດເຮັດໃຫ້ສາຍຕາເສື່ອມສະພາບລົງໄດ້. ສະນັ້ນ, ທ່ານຕ້ອງປ້ອງກັນນັບແຕ່ຫົວທີ ໂດຍນຳໃຊ້ 10 ວິທີຖະໜອມສາຍຕາເມື່ອໃຊ້ສະມ໊າດໂຟນດົນໆຕໍ່ໄປນີ້ :

1. ຄວນຈະຢູ່ໃນທ່າທາງທີ່ເໝາະສົມໃນການອ່ານ ແລະ ແນະນຳໃຫ້ປ່ຽນທ່າທາງເລື້ອຍໆເພື່ອບໍ່ໃຫ້ກົ້ມຄໍຢູ່ໃນທ່າໃດທ່າໜຶ່ງດົນຈົນເກີນໄປ.
2. ພັກຜ່ອນສາຍຕາເປັນໄລຍະທຸກເຄິ່ງຊົ່ວໂມງ ໂດຍການແນມໄປໄກໆ ເບິ່ງສິ່ງຂອງທີ່ຫ່າງອອກໄປບໍ່ໜ້ອຍກ່ວາ 30 ແມັດ ຫລື ຫລັບຕາໄວ້ປະມານ 5 ນາທີ ກ່ອນຈະກັບມາໃຊ້ໜ້າຈໍຕໍ່.
3. ບໍ່ຝືນອ່ານໂຕອັກສອນທີ່ມີຂະໜາດນ້ອຍເກີນໄປ ເຊິ່ງເຮັດໃຫ້ຕ້ອງຈ້ອງຫລາຍຂຶ້ນ ຄວນປັບຂະໜາດໂຕອັກສອນໃຫ້ອ່ານງ່າຍສະບາຍຕາຂຶ້ນ.
4. ຫລີກເວັ້ນການໃຊ້ວຽກໜ້າຈໍໃນເວລາຢູ່ເທິງຍານພາຫະນະທີ່ມີການສັ່ນສະເທືອນ ເຊິ່ງຈະເຮັດໃຫ້ຮູບພາບ ຫລື ໂຕອັກສອນສັ່ນໄປນຳ.
5. ປັບຄວາມແຈ້ງຂອງໜ້າຈໍໃຫ້ສະບາຍຕາບໍ່ໃຫ້ແຈ້ງຈົນເກີນໄປ.
6. ຜູ້ທີ່ມີບັນຫາສາຍຕາຜິດປົກກະຕິ ຄວນມີແວ່ນຕາສຳລັບອ່ານໜັງສືທີ່ເຂົ້າກັບຄ່າສາຍຕາ ແລະ ເໝາະສົມກັບໄລຍະໃນການ ເບິ່ງໜ້າຈໍໂດຍສະເພາະ.
7. ຄວນຫາຕຳແໜ່ງໃນຫ້ອງ ຫລື ສະຖານທີ່ໆເຮົາກຳລັງໃຊ້ວຽກໜ້າຈໍ ໃຫ້ແສງຕົກກະທົບສະຫລຽງໆກັບໜ້າຈໍ ເພື່ອຫລຸດແສງສະທ້ອນລົບກວນ.
8. ຢ່າໃຊ້ວຽກໜ້າຈໍຕິດຕໍ່ກັນດົນເກີນໄປໃນແຕ່ລະມື້ຄວນສັງເກດວ່າການໃຊ້ວຽກໜ້າຈໍດົນເທົ່າໃດຍິ່ງເຮັດໃຫ້ຮູ້ສຶກວ່າດວງ ຕາອິດເມື່ອຍ ແລະ ມົວຫລາຍຂຶ້ນ.
9. ຫລັບຕາເລື້ອຍໆເພື່ອຫລຸດອາການຕາແຫ້ງ ແລະ ຫລີກເວັ້ນການໃຊ້ສາຍຕາດົນໆໃນບ່ອນທີ່ມີອາກາດແຫ້ງ ຫລື ລົມພັດເຂົ້າສູ່ດວງຕາ.
10. ຜູ້ທີ່ຮູ້ຢູ່ແລ້ວວ່າຕາແຫ້ງ ຫລື ຜູ້ທີ່ໃສ່ຄອນແທັກເລນ ຄວນໃຊ້ນ້ຳຕາທຽມຢອດຕາ ເມື່ອຕ້ອງໃຊ້ວຽກໜ້າຈໍສະມ໊າດໂຟນ ຫລື ແທັບເລັດເປັນເວລາດົນໆຈະຊ່ວຍຫລຸດບັນຫາຕາແຫ້ງໄດ້.