ຈົ່ງມີສະຕິສະກັດກັ້ນພະຍາດຫລັງນ້ຳຖ້ວມ

ໂດຍ: ທ່ຽງທຳ 

ສະບາຍດີ, ເພື່ອນຜູ້ອ່ານ ທີ່ຮັກແພງ, ໃຜໆກໍອາດຈະຮູ້ ດີແລ້ວວ່າ, ໃນປັດຈຸບັນມີ ຫລາຍເຂດຂອງປະເທດເຮົາ ນັບແຕ່ເໜືອຮອດໃຕ້ພວມ ປະສົບກັບໄພນ້ຳຖ້ວມຢ່າງ ຮ້າຍແຮງສົ່ງຜົນກະທົບໃຫ້ຊີ ວິດ ແລະ ຊັບສິນຂອງປະຊາ ຊົນເສຍຫາຍຢ່າງຫລວງ ຫລາຍໂດຍສະເພາະອຸປະຕິ ເຫດເຂື່ອນໄຟຟ້າເຊປ່ຽນ-ເຊ ນ້ຳນ້ອຍທະລຸເມື່ອຄືນວັນທີ 23 ກໍລະກົດຜ່ານມາ ສົ່ງຜົນ ໃຫ້ຊາວເມືອງສະໜາມໄຊ ແຂວງອັດຕະປື ຜູ້ຢູ່ໃຕ້ເຂື່ອນ ດັ່ງກ່າວໄດ້ຮັບເຄາະຮ້າຍຢ່າງ ໜ້າສັງເວດ, ຫລາຍພັນຄົນ ບໍ່ມີທີ່ຢູ່ອາໄສ, ບາງຄົນເສຍພໍ່, ເສຍແມ່, ເສຍລູກ, ເສຍຜົວ, ເສຍເມຍ ແລະ ຄົນຮັກແພງ ສະໜິດສະໜົມຂອງຕົນ, ເຊິ່ງ ຄວາມສູນເສຍຄັ້ງນີ້ເຖິງວ່າ ຈະໄດ້ຮັບການເອົາໃຈໃສ່ເບິ່ງ ແຍງຊ່ວຍເຫລືອຂອງພັກ-ລັດ ຖະບານ ແລະ ບັນດາປະເທດ ເພື່ອນມິດສາກົນອື່ນໆ ນັບ ທັງວັດຖຸປັດໄຈຕ່າງໆ ຢ່າງ ຫລວງຫລາຍ, ແຕ່ສິ່ງທີ່ໜ້າ ເປັນຫ່ວງໃນສະເພາະໜ້ານີ້, ພາຍຫລັງນ້ຳໄດ້ບົກແຫ່ງລົງ ມັກຈະເກີດພະຍາດຕ່າງໆ ຕາມມາ, ໂດຍສະເພາະ ຖອກ ທ້ອງ, ຕາແດງ, ຕຸ່ມເປື່ອຍ ແລະ ໄຂ້ຍຸງກໍມັກຈະເກີດຂຶ້ນ ຕໍ່ກັບປະຊາຊົນໃນເຂດປະສົບ ໄພດັ່ງກ່າວ.

ດັ່ງນັ້ນ ບັນຫາຮີບດ່ວນ ແມ່ນຂະແໜງສາທາລະນາ ສຸກ ຈະຕ້ອງໄດ້ອອກແຮງລົງ ຄວບຄຸມ, ສະກັດກັ້ນພະຍາດ ດັ່ງກ່າວ, ດ້ວຍການເພີ່ມທະ ວີເຮັດວຽກງານສຸຂະອະນາ ໄມໃຫ້ຄວາມຮູ້ຕ່າງໆແກ່ຊຸມ ຊົນ ໃນການປະຕິບັດຫລັກ ການອະນາໄມສາມສະອາດ ຄື: ກິນ, ດື່ມ ແລະ ນຸ່ງຫົມໃຫ້ ສະອາດ, ພ້ອມນັ້ນ ກໍຈະຕ້ອງ ໄດ້ເພີ່ມທະວີເອົາໃຈໃສ່ປິ່ນ ປົວຜູ້ຕິດເຊື້ອພະຍາດ ດັ່ງ ກ່າວ ເພື່ອບໍ່ໃຫ້ແຜ່ລາມອອກ ສູ່ວົງກວ້າງ.

ຕາມການລາຍງານຂອງ ນັກຂ່າວລາວພັດທະນາປະ ຈຳຢູ່ສູນທີ່ເມືອງສະໜາມໄຊ ແລະ ໂຮງໝໍແຂວງອັດຕະປື ກໍຢັ້ງຢືນວ່າ: ປະຊາຊົນຜູ້ໄດ້ ຮັບຊ່ວຍເຫລືອມາຈາກເຂດ ນ້ຳຖ້ວມໃນເມືອງສະໜາມໄຊ ນັ້ນ, ສ່ວນໜຶ່ງກໍມີອາການ ໄຂ້ຍຸງ ແລະ ຖອກທ້ອງ, ພ້ອມ ເປັນຕຸ່ມເປື່ອຍ, ແຕ່ທັງໝົດນັ້ນ ກໍໄດ້ຮັບການປິ່ນປົວເບິ່ງແຍ່ງ ຢ່າງໃກ້ຊິດຂອງພະນັກງານ ແພດໝໍແລ້ວ ແລະ ຫວັງວ່າ ສະພາບລະບາດຂອງພະຍາດ ຕ່າງໆ ຫລັງນ້ຳຖ້ວມຈະໄດ້ ຮັບການຄວບຄຸມເປັນຢ່າງດີ ຈາກຂະແໜງສາທາລະນາ ສຸກເຮົາ.

+ ໄຊຍະບູລີເປີດຂະບວນອະນາໄມປ້ອງກັນພະຍາດໄຂ້ຍຸງລາຍ

+ ເມືອງເມິງເພີ່ມທະວີເຝົ້າລະວັງພະຍາດໄຂ້ຍຸງລາຍ