ເອຢິບ ຍື່ນຂໍ້ສະເໜີດຶງ ອອງຣີ ຄຸມທີມ
August 1, 2018 - 5:08 PM
ເທຍຣີ ອອງຣີ ຕຳນານດາວຍິງຂອງທີມຊາດຝຣັ່ງ ແລະ ອາເຊນອລ ມີໂອກາດໄດ້ຮັບງານເປັນຜູ້ຈັດການທີມຊາດເອຢິບ.
ເຖິງວ່າຈະພາດການຄຸມທີມແອສຕັນ ວິລລ່າ ເຊິ່ງຢືນຢັນວ່າບໍ່ມີແຜນປົດ ສຕີຟ ບຣູ ຕາມກະແສຂ່າວລື, ຫລ້າສຸດຢືນຢັນວ່າ ຜູ້ຊ່ວຍຜູ້ຈັດການທີມຊາດເບລຢ້ຽມອາຍຸ 40 ປີ ຕົກເປັນເປົ້າໝາຍຂອງທີມຊາດເອຢິບ ເຊິ່ງປົດ ເອກຕໍ ຄູເປ ຊາວອາເຈນຕິນາໄປແລ້ວ ຫລັງພາທີມເສຍສາມນັດໃນບານໂລກ 2018.
ຕໍ່ກໍລະນີດັ່ງກ່າວ ຈຶ່ງເຮັດໃຫ້ ອອງຣີ ເຊິ່ງຜ່ານການຮັບໃຊ້ເລສ ເບີມາ 123 ເກມ ມີສິດຄຸມທີມຂອງ ໂມ ຊາລາ ກອງໜ້າທີມລີເວີພູລ ຖ້າທັງສອງຝ່າຍສາມາດຕົກລົງກັນໄດ້.
