ຊາວມຽນມາ 1,2 ແສນຄົນ ຕ້ອງອົບພະຍົບໜີນ້ຳຖ້ວມ
ສະຖານະການອຸທົກກະໄພຂອງມຽນມາໃນປີນີ້ຍັງຢູ່ໃນຂັ້ນວິກິດ ຈຳນວນຜູ້ເສຍຊີວິດເພີ່ມເປັນຢ່າງໜ້ອຍ 11 ຄົນ ແລະ ອີກເກືອບ 120.000 ຄົນຕ້ອງອົບພະຍົບ.
In monsoon floods, Myanmar Red Cross is using small boats to ferry people to safety, and handing out first-aid kits and water purification tablets. https://t.co/tyIBrZzE1A
— IFRC Asia Pacific (@IFRCAsiaPacific) July 30, 2018
ສຳນັກຂ່າວຕ່າງປະເທດລາຍງານວ່າ: ກະຊວງສະຫວັດດີການສັງຄົມຂອງມຽນມາ ລາຍງານວ່າ: ປະຊາຊົນຫລາຍກວ່າ 118.000 ຄົນ ເຊິ່ງອາໄສຢູ່ຕາມພື້ນທີ່ຕໍ່າສອງຝັ່ງແມ່ນ້ຳອີລາວະດີ, ແມ່ນນ້ຳສາລະວິນ ແລະ ແມ່ນ້ຳສາຂາອີກຫລາຍສາຍ ອົບພະຍົບອອກຈາກເຮືອນໄປອາໄສຢູ່ຕາມສູນພັກເຊົາຊົ່ວຄາວ 285 ແຫ່ງທີ່ທາງການຈັດກຽມໄວ້ໃຫ້ ໂດຍສະເພາະໃນເຂດພະໂຄ ແລະ ລັດກະຫລຽງ ເຊິ່ງເປັນບໍລິເວນໄດ້ຮັບຄວາມເສຍຫາຍຫລາຍທີ່ສຸດ ເນື່ອງຈາກລະດັບນ້ຳໃນແມ່ນ້ຳລົ້ນຕາຝັ່ງໄຫລເຂົ້າຖ້ວມເຮືອນປະຊາຊົນຢ່າງຕໍ່ເນື່ອງ.
11 people are killed and nearly 120,000 people displaced after floods submerge a vast swathe of south-eastern Myanmar, sending panicked residents fleeing for dry ground https://t.co/Efiwkzf7r2 pic.twitter.com/En4uqjhuet
— AFP News Agency (@AFP) July 31, 2018
ສຳລັບຈຳນວນຜູ້ເສຍຊີວິດຈາກອຸທົກກະໄພຄັ້ງນີ້ເພີ່ມເປັນຢ່າງໜ້ອຍ 11 ຄົນ ໃນຈຳນວນນີ້ 3 ຄົນເປັນທະຫານ. ໜັງສືພິມໂກລບອລນິວ ໄລ ອອຟ ມຽນມາ ເຊິ່ງເປັນສື່ພາສາອັງກິດກະບອກສຽງຂອງລັດຖະບານ ລາຍງານເພີ່ມອີກວ່າ: ໜ່ວຍງານທີ່ກ່ຽວຂ້ອງກຳລັງເຝົ້າຕິດຕາມລະດັບນ້ຳໃນເຂື່ອນ ແລະ ອ່າງເກັບນ້ຳປະມານ 36 ແຫ່ງ ເຊິ່ງສູງຂຶ້ນຈົນເຂົ້າສູ່ “ລະດັບອັນຕະລາຍ” ແລ້ວ.
ທັງນີ້, ດັດຊະນີຄວາມສ່ຽງສະພາບອາກາດໂລກເຄີຍຈັດໃຫ້ມຽນມາເປັນອັນດັບ 1 ຂອງປະເທດໄດ້ຮັບຜົນກະທົບຈາກໄພທຳມະຊາດຫລາຍທີ່ສຸດ ໃນປີ 2015. ຂະນະທີ່ໄພທຳມະຊາດຄັ້ງຮ້າຍແຮງທີ່ສຸດໃນປະຫວັດສາດຂອງມຽນມາ ຄືອິດທິພົນຈາກອາຍຸໄຊໂຄນນາກິດ ໃນເດືອນພຶດສະພາ 2008 ມີຜູ້ເສຍຊີວິດຢ່າງໜ້ອຍ 138.000 ຄົນ.
