ຢູເວ່ ກຽມຊື້ ປ໋ອກບາ ຄືນຈາກ ແມນຢູ ດ້ວຍຄ່າຕົວ 200 ລ້ານປອນ

ສະໂມສອນ ຢູເວັນຕຸສ ທີມດັງໃນສຶກ ກັລໂຊ່ ເຊເຣຍອາ ປະເທດອີຕາລີ ໝັ້ນໃຈວ່າ ປໍ ປ໋ອກບາ ກອງກາງທີມຊາດຝຣັ່ງ ຕ້ອງການຍ້າຍຈາກ ແມນເຊັສເຕີ ຢູໄນເຕັດ ກັບມາຫລິ້ນໃຫ້ ສະໂມສອນ ຢູເວັນຕຸສ ອີກຄັ້ງ ດ້ວຍຄ່າຕົວ 200 ລ້ານປອນ.

ຕາມລາຍງານຈາກ “ເດິະ ມິຣ໌ເຣີ” ສື່ຂອງອັງກິດ ໃນວັນທີ 29 ກໍລະກົດ ປໍ ປ໋ອກບາ ກອງກາງທີມຊາດຝຣັ່ງ ອາຍຸ 25 ປີ ເຮັດຜົນງານໄດ້ຢ່າງໂດດເດັ່ນໃນບານໂລກ 2018 ທີ່ປະເທດຣັດເຊຍ ກັບມາຊ່ວຍສະໂມສອນ ຢູເວັນຕຸສ ອີກຄັ້ງ ຫລັງຮອບ 2 ປີ; ປໍ ປ໋ອກບາ ກອງກາງທີມຊາດຝຣັ່ງຄົນນີ້ ຊ່ວຍຝຣັ່ງສາມາດຍາດໄດ້ແຊ້ມໄດ້ສຳເລັດ, ແຕ່ໃນລະດັບສະໂມສອນແລ້ວ ປ໋ອກບາ ບໍ່ອາດໂຊຟອມໄດ້ຢ່າງເຕັມທີ່ ກັບ ແມນຢູ ໃນລະດູການຜ່ານມາ ກໍລະນີດັ່ງກ່າວເຮັດໃຫ້ ປ໋ອກບາ ຕ້ອງການກັບໄປຫລິ້ນໃຫ້ກັບ ຢູເວັນຕຸສ ອີກຄັ້ງ ຫລັງຈາກເຄີຍລົງຫລິ້ນໃຫ້ ສະໂມສອນ ຢູເວັນຕຸສ ເປັນເວລາ 4 ລະດູການ ລວມທັງຊ່ວຍໃຫ້ ຢູເວ່ ຄ້ວາແຊ້ມ ເຊເຣຍອາ 4 ສະໄໝ ແລະ ໂຄປາ ອິຕາລີ 2 ສະໄໝ ກ່ອນທີ່ ແມນຢູ ຈະດຶງຕົວໄປຮ່ວມທັບ ດ້ວຍຄ່າຕົວ 89 ລ້ານປອນ ເມື່ອ 2 ປີທີ່ແລ້ວ. ແຕ່ຢ່າງໃດກໍຕາມ ຄາດວ່າ ແມນຢູ ຈະຍອມຂາຍ ປ໋ອກບາ ຕໍ່ເມື່ອໄດ້ຄ່າຕົວໃນລະດັບ 200 ລ້ານປອນ.