ຫລາຍພາກສ່ວນສືບຕໍ່ມອບເງິນຊ່ວຍເຫລືອຜູ້ປະສົບໄພຢູ່ອັດຕະປື
July 29, 2018 - 8:44 PM
ແຫລ່ງຂ່າວ ຂປລ ລາຍງານວ່າ: ໃນວັນທີ 29 ກໍລະກົດນີ້, ຫລາຍພາກສ່ວນໄດ້ສືບຕໍ່ມອບເງິນຊ່ວຍເຫລືອປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປື ປະກອບມີ: ບໍລິສັດ ແສງເພັດ ກໍ່ສ້າງ-ຂົວທາງ ແລະ ເກັບກູ້ລະເບີດ 500 ລ້ານກີບ, ສະພາການຄ້າຈີນປະຈຳລາວ 430 ລ້ານກວ່າກີບ, ບໍລິສັດທິບພະຍະປະກັນໄພ ຈຳກັດ (ສປປ ລາວ) 100 ລ້ານກີບ, ໂຮງຮຽນອິດສະເຕີນສະຕຣາ 50 ລ້ານກີບ ແລະ ບໍລິສັດຈັດຫາງານ 5 ລ້ານກີບ, ໂດຍການກ່າວຮັບຂອງທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.
