ລ໋ອບສະເຕດ້ຽມ ລົງສະໜາມອຸ່ນເຄື່ອງ ຊະນະທີມຊາດຍິງ ຢູ 16

ທ້າຍອາທິດຜ່ານມາ ອາຄາເດມີ ລ໋ອບສະເຕດ້ຽມ ລົງສະໜາມອຸ່ນເຄື່ອງ ສາມາດເອົາຊະນະ ທີມຊາດຍິງ ຢູ 16 ໄດ້ 5-0 ປະຕູ ເພື່ອກຽມຄວາມພ້ອມເຂົ້າຮ່ວມການແຂ່ງຂັນບານ​ເຕະຊູງຊີງລິງຄັບ ທີ່ ສປ ຈີນ ເປັນເຈົ້າພາບ ເຊິ່ງຈະຈັດຂຶ້ນໃນວັນທີ 11-18 ສິງຫາ 2018 ນີ້.

ທ່ານ ອາລ໋ອບ ມະນິບົດ ປະທານອາຄາເດມີ ລ໋ອບສະເຕດ້ຽມ ໃຫ້ສໍາພາດວ່າ: ການລົງສະໜາມອຸ່ນເຄື່ອງນີ້ ຖືວ່າເປັນໜ້າພໍໃຈຕໍ່ຜົນງານຂອງລູກທີມຕົນເອງທີ່ສາມາດເອົາຊະນະ ທີມຊາດຍິງ ລຸ້ນອາຍຸບໍ່ເກີນ 16 ປີ (ຢູ16) ເຊິ່ງໄດ້ເພີ່ມຄວາມແຂ່ງແກ່ນໃນການຫລິ້ນໃຫ້ຫລາຍຂຶ້ນຂອງນັກກິລາພວກເຮົາ. ສໍາລັບການເຂົ້າຮ່ວມລາຍການຊູງຊີງລິງຄັບທີ່ ສປ ຈີນຄັ້ງນີ້ ພວກເຮົາຕັ້ງຄວາມຫວັງຕິດ 1 ໃນ3 ຂອງການແຂ່ງຂັນ ເພື່ອສ້າງຜົນງານໃຫ້ໂດດເດັ່ນໃນເວທີສາກົນ.