ສະຫລຸບໂຄງການກະສິກຳເພື່ອໂພຊະນາການ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2018
ເມື່ອທ້າຍອາທິດຜ່ານ ມານີ້, ທີ່ເມືອງແກ້ວອຸດົມ ແຂວງວຽງຈັນ, ໂຄງການ ກະສິກໍາເພື່ອໂພຊະນາການ ໄດ້ຈັດກອງປະຊຸມສະຫຼຸບ ການຈັດຕັ້ງປະຕິບັດວຽກ ງານ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2018, ໂດຍການເປັນປະ ທານຂອງທ່ານ ສະຫວັນ ຫານພົມ ຮອງຫົວໜ້າກົມ ແຜນການ ແລະ ການເງິນ, ມີບັນດາຕາງໜ້າກະຊວງ ການເງິນ, ກະຊວງແຜນການ ແລະ ການລົງທຶນ, ຫົວໜ້າ ພະແນກສົ່ງເສີມຄວາມກ້າວໜ້າຂອງແມ່ຍິງ ແລະ ແມ່- ເດັກ, ຜູ້ຕາງໜ້າໂຄງການ/ ແຜນງານຄຸ້ມຄອງບໍລິຫານ ສາທາລະນະສຸກ ແລະ ໂພ ສະ ນາການ (HGNDP), ຫົວໜ້າອົງການ IFAD ປະຈໍາ ລາວ, ຜູ້ປະສານງານ ໂຄງການ ປະຈໍາ FAO, WFP ພ້ອມດ້ວຍພະນັກ ງານໂຄງການຈາກແຂວງ ຫົວພັນ, ຊຽງຂວາງ ແລະ ແຂວງຜົ້ງສາລີ ເຂົ້າຮ່ວມ.
+ ແຂວງອຸດົມໄຊຕີລາຄາການປະຕິບັດໂຄງການກະສິກຳເພື່ອໂພຊະນະການ
+ ລາວເລັ່ງປະຕິບັດໂຄງການຄຸ້ມຄອງການປະມົງຊຸມຊົນແບບມີສ່ວນຮ່ວມ
ເພື່ອສະຫຼຸບຕີລາຄາ ຄືນສະພາບການດໍາເນີນ ງານຂອງໂຄງການ ໃນໄລ ຍະ 6 ເດືອນຕົ້ນປີຜ່ານມາ ແລະ ລາຍງານຄວາມຄືບ ໜ້າໃນການຈັດຕັ້ງປະຕິບັັດ ໂຄງການ ເພື່ອພ້ອມກັນປັບ ປຸງແກ້ໄຂໃຫ້ທັນການ, ພ້ອມ ທັງປຶກສາຫາລືເພື່ອຄວາມ ເປັນເອກະພາບໃນການປັບປຸງແຜນການ 6 ເດືອນທ້າຍປີ 2018 ເພື່ອໃຫ້ສອດຄ່ອງ ກັບສະພາບຄວາມເປັນຈິງ ແລະ ບັນລຸຕາມແຜນປີທີ່ກໍາ ນົດໄວ້.
ໃນໂອກາດດັ່ງກ່າວ, ປະ ທານກອງປະຊຸມໄດ້ເນັ້ນໃຫ້ທຸກພາກສ່ວນເອົາໃຈໃສ່ເປັນເຈົ້າການຍົກສູງຄວາມຮັບ ຜິດຊອບຕ້ອງໄດ້ສັງເກດຕີ ລາຄາໃຫ້ລະອຽດ, ໃຫ້ປັບ ຄືນໃນການຂຶ້ນແຜນງົບປະ ມານໃຫ້ເໝາະສົມ, ງົບປະ ມານໃຫ້ຮັບປະກັບຄວາມ ໂປ່ງໃສ, ລະບົບການລາຍ ງານໃຫ້ຕິດຕາມຊຸກຍູ້ໃຫ້ ວ່ອງໄວ, ມີເນື້ອໃນ ແລະ ທັນເວລາ, ການປະສານງານ ລາຍງານວຽກ, ງົບປະມານ, ຄົນ ແລະ ເວລາໃຫ້ເປັນລະ ບົບຕື່ມ, ການຂຶ້ນງົບປະມານ ບໍ່ໃຫ້ຊໍາຊ້ອນ, ໃຫ້ຂັ້ນສູນ ກາງເອົາໃຈໃສ່ຕິດຕາມຊຸກ ຍູ້ຕາມຄວາມຕ້ອງການຂອງທ້ອງຖິ່ນ ກໍຄືເມືອງເປົ້າໝາຍ ໃນການຈັດຕັ້ງປະຕິບັດວຽກງານຕໍ່ໄປ.
