ນໍ້າໃຈຈາກເພື່ອນບ້ານຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ແຂວງອັດຕະປື

ໃນວັນທີ 27 ກໍລະກົດ ນີ້, ວັດໂສທອນວະລາລາມວໍລະວິຫານ ພະທໍາມັງຄະລາຈານ ເຈົ້າໂອວາດ ຈັງຫວັດ ຊະເຊິງເຊົາ ແລະ ສະພາສະຕີແຫ່ງຊາດໄທ ໄດ້ມອບເງິນຊ່ວຍເຫຼືອຜູ້ປະສົບເຄາະຮ້າຍຈາກໄພພິບັດທໍາມະຊາດ ຢູ່ບັນດາແຂວງພາກເໜືອນ, ພາກກາງ ແລະ ພາກໃຕ້ຂອງລາວ ໂດຍສະເພາະແມ່ນແຂວງ ອັດຕະປື ເນືອງຈາກໂຄງການເຂື່ອນເຊປຽນ-ເຊນໍ້ານ້ອຍແຕກ ໃນວັນທີ 23 ກໍລະກົດຜ່ານມາ, ເພື່ອແບ່ງເບົາຄວາມທຸກໂສກຂອງຜູ້ປະສົບໄພດັ່ງກ່າວ, ລວມມີເງິນທັງໝົດ 524 ກີບ ( 2 ບາດ) ມອບພາກສ່ວນລະ 262 ລ້ານກີບ, ຊຶ່ງພິທີມອບເງິນຊ່ວຍເຫຼືອດັ່ງກ່າວ, ໄດ້ຈັດຂຶ້ນທີ່ສູນກາງສະຫະພັນແມ່ຍິງລາວ ນະຄອນຫຼວງວຽງຈັນ, ມອບໂດຍທ່ານ ນາງ ວັນດີ ກຸນຊອນນາຄົງຈຸນຈະເລີນ ປະທານສະພາສະຕີແຫ່ງຊາດໄທ ແລະ ຮັບໂດຍທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ.