ກຽມສະຫລອງວັນປົດປ່ອຍແຂວງຫລວງນ້ຳທາຄົບຮອບ 55 ປີ
ທ່ານ ຄຳໄຫລ ສີປະເສີດ ກຳມະການປະຈຳພັກແຂວງຫົວໜ້າພະແນກກະສິກຳ ແລະ ປ່າໄມ້ແຂວງທັງເປັນຫົວໜ້າ ອານຸ ກຳມະການດ້ານເນື້ອໃນພິທີສະ ເຫລີມສະຫລອງວັນປົດປ່ອຍ ແຂວງຫລວງນ້ຳທາຄົບຮອບ 55 ປີ ໃຫ້ຮູ້ວ່າ: 6 ພຶດສະພາ 1962 – 6 ພຶດສະພາ 2017.
ການສະເຫລີມສະຫລອງ ວັນດັ່ງກ່າວອຳນາດການປົກຄອງໄດ້ແຕ່ງຕັ້ງບັນດາອານຸກຳມະການຮັບຜິດຊອບ ຄື:ອານຸກຳມະການກະກຽມດ້ານເນື້ອໃນ, ອະນຸກຳມະການພິທີການ ແລະ ອື່ນໆ, ໂດຍມີ ພິທີວາງກະຕ່າດອກໄມ້ ຢູ່ຕໍ່ໜ້າອານຸສອນສະຖານປະທານ ໄກສອນ ພົມວິ ຫານວາງພວງມະລາ ຢູ່ຕໍ່ໜ້າອາ ນຸສາວະລີນັກຮົບນິລະນາມ ໃນ ວັນທີ 6 ພຶດສະພາ, ນອກຈາກນີ້ ຍັງມີກິລາບານເຕະແຂ່ງຂັນກິລາເປຕັງເປີດຕະຫລາດນັດວາງສະແດງ ສິນຄ້າ, ຂີ່ລົດຖີບເພື່ອສຸຂະ ພາບຕັ້ງກອງບຸນເພື່ອອຸທິດສ່ວນກຸສົນໃຫ້ແກ່ດວງວິຍານບັນດາການນຳພະນັກງານ ທະຫານ, ຕຳຫລວດ ແລະ ປະຊາຊົນບັນດາເຜົ່າທີ່ໄດ້ເສຍສະຫລະຢູ່ໃນ ບັ້ນຮົບປົດປ່ອຍຫລວງນ້ຳທາມີການ ສະແດງສີລະປະວັນນະຄະດີພື້ນ ເມືອງຈາກບັນດາເມືອງ ແລະ ພິທີໂຮມຊຸມນຸມສະເຫລີມສະຫລອງວັນປົດປ່ອຍ ຫລວງ ນ້ຳທາຢູ່ເດີນກິລາຂອງແຂວງ ແລະຊົມການສະແດງໂດດຈ້ອງອີກດ້ວຍ.
