ລະເບີດໃກ້ສະຖານທູດອາເມລິກາ ໃນນະຄອນຫລວງປັກກິ່ງ
July 26, 2018 - 6:00 PM
ຂ່າວຕ່າງປະເທດລາຍງານວ່າ: ເກີດເຫດລະເບີດຮຸນແຮງໃກ້ສະຖານທູດອາເມລິກາໃນນະຄອນຫລວງປັກກິ່ງ, ມີຊາຍຄົນໜຶ່ງພະຍາຍາມດຶກລະເບີດຈາກບໍລິເວນຮົ້ວເຂົ້າໄປໃນສະຖານທູດ ແຕ່ລະເບີດເຮັດວຽກກ່ອນ ຍັງບໍ່ຮູ້ຈຳນວນຄົນບາດເຈັບ.
ໃນວັນທີ 26 ກໍລະກົດ ສຳນັກຂ່າວຕ່າງປະເທດລາຍງານ ເກີດເຫດລະເບີດຮຸນແຮງໃກ້ສະຖານເອກອັກຄະຣາຊະທູດອາເມລິກາ ໃນນະຄອນຫລວງປັກກິ່ງຂອງຈີນ, ເບື້ອງຕົ້ນມີລາຍງານຜູ້ບາດເຈັບ ແຕ່ຍັງບໍ່ຮູ້ຈຳນວນ.
ຫລັງເກີດເຫດລະເບີດ ເຈົ້າໜ້າທີ່ຕຳຫລວດ ແລະ ທະຫານຂອງຈີນໄດ້ເຂົ້າຄວບຄຸມສະຖານະການ. ຂະນະທີ່ມີຄົນບັນທຶກຄລິບວີດີໂອ ແລະ ນຳມາເຜີຍແຜ່ອອນລາຍ ສະແດງໃຫ້ເຫັນໄລຍະເວລາທີ່ຄົນພາກັນແຕກຕື່ນ ຫລັງໄດ້ຍິນສຽງລະເບີດ ແລະ ຄວັນລອຍຂຶ້ນ ຢູ່ສະຖານທູດອາເມລິກາ.
