ຫຼາຍພາກສ່ວນຊ່ວຍເຫຼືອຜູ້ປະສົບໄພພິບັດນໍ້າຖ້ວມ ຢູ່ແຂວງອັດຕະປື

ໃນວັນທີ 25 ກໍລະກົດ ນີ້, ຫຼາຍພາກສ່ວນໄດ້ມອບເງິນຊ່ວຍເຫຼືອຜູ້ປະສົບໄພພິບັດນໍ້າຖ້ວມ ທີ່ແຂວງອັດຕະປື ເນື່ອງຈາກເຫດການໂຄງການເຂື່ອນເຊປຽນ-ເຊນໍ້ານ້ອຍແຕກໃນຕອນແລງຂອງວັນທີ 23 ກໍລະກົດ ຜ່ານມາຄື: 3 ອົງການຈັດຕັ້ງມະຫາຊົນຂອງສູນກາງມີ: 20 ລ້ານກີບ, ໂຄງການຈໍາປາຄໍາຮ່ວມນໍ້າໃຈພັດທະນາແມ່ຍິງ 10 ລ້ານກີບ ແລະ ວິສາຫະກິດ ຫັດຖະກໍາ ປະດິດຈໍາປາລາວ 5 ລ້ານກີບ. ນອກນີ້, ບໍລິສັດ Climsx Radio ໄດ້ຮ່ວມບໍລິຈາກອາຫານປະເພດ ໂຈກ ຈໍານວນ 1 ພັນກ່ອງ ແລະ ບໍລິສັດ Unichcrm ຮ່ວມບໍລິຈາກ ຜ້າອະນາໄມ (ໂຊຟີ) ແລະ ຜ້າອ້ອມເດັກນ້ອຍ ຢ່າງລະ 20 ແກັດ ເພື່ອລົງໄປຊ່ວຍເຫຼືອຜູ້ປະສົບໄພດັ່ງກ່າວໃນຄັ້ງນີ້.