ເອັມມານູເອເລ້ ກາລາຍໂອ້ ລົ້ມບານ ຖືກລົງໂທດ 2 ປີ ປັບໄຫມ 20.000 ເອີໂຣ
July 25, 2018 - 5:36 PM
ເອັມມານູເອເລ້ ກາລາຍໂອ້ (Emanuele Calaio) ກອງຫນ້າຊາວອີຕາລີ ອາຍຸ 36 ປີ ຂອງສະໂມສອນ ປາຣມ້າ ທີມນ້ອງໃຫມ່ຫນ້າເກົ່າໃນ ກາວໂຊ້ ເຊເຣອາ ອີຕາລີ ຖືກສານອີຕາລີລົງໂທດຫ້າມລົງຫລິ້ນ 2 ປີ ຈາກຂໍ້ຫາລັອກຜົນການແຂ່ງຂັນ ຫລື ລົ້ມບານ ໃນນັດທີ່ສະໂມສອນ ປາຣມ້າ ຕົ້ນສັງກັດບຸກຊະນະ ສະເປເຊຍ 2-0 ນັດສຸດທ້າຍຂອງ ເຊຣີບີ ອີຕາລີ ໃນລະດູການ 2017-18 ເມື່ອວັນທີ 19 ພຶດສະພາ 2018.
Emanuele Calaio ຍັງຖືກປັບໄຫມເງິນອີກ 20.000 ເອີໂຣ, ສ່ວນສະໂມສອນຕົ້ນສັງກັດ ປາຣມ້າ ຖືກຕັດ 5 ຄະແນນ ໃນການແຂ່ງຂັນເຊເຣອ້າ ອີຕາລີ ລະດູການໃຫມ່ 2018-19.
