ແລກປ່ຽນບົດຮຽນລະບາດວິທະຍາພາກສະໜາມ

ວັນທີ 2 ພຶດສາພານີ້, ກົມຄວບຄຸມພະຍາດຕິດຕໍ່ກະຊວງ ສາທາລະນະສຸກໄດ້ຈັດກອງປະຊຸມ ແລກປ່ຽນບົດຮຽນ ປະຈຳປີ ລະຫວ່າງຊຸດເຝິກອົບຮົມລະບາດວິທະຍາລຸ້ນທີ 8 ແລະ 9 ຂຶ້ນທີ່ໂຮງແຮມລ້ານຊ້າງນະຄອນຫລວງ ວຽງຈັນ, ໂດຍການເປັນ ປະທານຂອງ ທ່ານ ບຸນຫລາຍ ພົມມະສັກຫົວໜ້າກົມຄວບຄຸມ ພະຍາດຕິດຕໍ່, ມີຜູ້ຕາງ ໜ້າຈາກ ອົງການອະນາໄມໂລກ, ສູນ, ສະຖານບັນ, ພ້ອມດ້ວຍນັກສຶກສາຂະແໜງລະບາດວິທະຍາພາກສະໜາມ ຈາກແຂວງຕ່າງໆເຂົ້າຮ່ວມ.

ທ່ານປະທານກອງປະຊຸມ ກ່າວວ່າ: ວຽກງານເຝິກອົບຮົມ ລະບາດວິທະຍາພາກສະໝາມ ແມ່ນມີຄວາມສຳຄັນ ຫລາຍສຳລັບປະເທດເຮົາ ແລະ ມາຮອດປັດຈຸບັນກໍໄດ້ກໍ່ສ້າງບຸກຄະລະ ກອນດ້ານນີ້ມາແລ້ວ 9 ລຸ້ນ, ເພື່ອປະຕິບັດ ໜ້າທີ່ຄວບຄຸມພະຍາດຕິດຕໍ່ຢູ່ແຕ່ລະຂັ້ນນັບແຕ່ສູນກາງ, ແຂວງ ແລະ ທ້ອງຖິ່ນ ໃນການ ຕອບໂຕ້ການລະບາດ ຂອງພະຍາດຕ່າງໆທີ່ເກີດ ຂຶ້ນ,ໂດຍສະເພາະແມ່ນພະຍາດໂປລິໂອ, ໄຂ້ຍຸງລາຍ, ໄຂ້ທໍລະພິດ ແລະ ອື່ນໆ. ດັ່ງນັ້ນ ການ ແລກປ່ຽນບົດຮຽນ ແລະ ປະສົບການຂອງນັກສຶກສາລະບາດ ວິທະຍາຈິ່ງມີຄວາມ ຈຳເປັນຫລາຍເພື່ອຮຽນ   ຮູ້ ແລະ ພັດທະນາແຜນການ ແລະ ປັບປຸງຊຸດເຝິກອົບຮົມລະບາດວິທະຍາພາກສະໜາມໃຫ້ດີ ແລະ ມີປະສິດທິ ຜົນກວ່າເກົ່າ.