ຄາລາເຕໂດ້ລາວ ຍາດໄດ້ 1 ຫລຽນຄໍາທີ່ປະເທດໄທ
July 23, 2018 - 4:30 PM
ການແຂ່ງຂັນໄທແລນ ໂອເພັນ ຄາລາເຕໂດ (Thailand Open Karatedo Championships 2018) ໄດ້ດໍາເນີນແຕ່ວັນທີ 18-22 ກໍລະກົດຜ່ານມານີ້ ມີ 27 ປະເທດ ແລະ ມີ 32 ທີມເຂົ້າຮ່ວມ. ຂະນະທີ່ນັກກິລາລາວສາມາດຍາດໄດ້ຫລຽນຄໍາໃນລຸ້ນນໍ້າໜັກ 35 ກິໂລ.
ການແຂ່ງຂັນຄັ້ງນີ້ນັກກິລາລາວເຂົ້າຮ່ວມທັງໝົດ 8 ຄົນ ເຊິ່ງນໍາໂດຍ ອາຈານ ນາງ ຈັນສຸດາ ເພັດສິຣິແສງ ແລະ ຜ່ານການແຂ່ງຂັນ ນັກກິລາທີມຊາດລາວສາມາດສ້າງຜົນງານໂດດເດັ່ນ ໂດຍສະເພາະລຸ້ນນໍ້າໜັກ 35 ກິໂລ ຍາດໄດ້ 1 ຫລຽນຄໍາມາໃຫ້ແກ່ ສປປ ລາວ ເຊິ່ງໄດ້ຈາກ ນາງ ສິນສອດ ພູວົງ ລຸ້ນອາຍຸຕໍ່າກວ່າ 12 ປີ.
