ປີ້ເຂົ້າຊົມຢູເວນຕຸສຂາຍໝົດແລ້ວ
ຢູເວນຕຸສ ປະສົບຜົນສຳເລັດໃນທາງທຸລະກິດ ຫລັງການມາຂອງ ຄຣິສເຕຍໂນ ໂຣນັລໂດ້ ໂດຍຫລ້າສຸດພວກເຂົາຂາຍປີ້ປະຈຳລະດູການໃໝ່ໝົດແລ້ວ.
ຢູເວນຕຸສ ສະໂມສອນຍັກໃຫຍ່ແຫ່ງເວທີ ກັລໂຊ່ ເຊເຣຍ ອາ ອີຕາລີ ປະກາດຢືນຢັນໃນວັນທີ 19 ກໍລະກົດຜ່ານມາວ່າ: ປີ້ສຳລັບລະດູການ 2018-19 ຂອງສະໂມສອນຈຳນວນ 29.300 ໃບ ຖືກຂາຍໝົດແລ້ວຮຽບຮ້ອຍ.
ເຖິງວ່າປີ້ລະດູການໃໝ່ນີ້ມີລາຄາແພງຂຶ້ນຈາກລະດູການ 2017-18 ຜ່ານມາ ເກືອບ 30%, ແຕ່ ຢູເວນຕຸສ ກໍສາມາດຂາຍໄດ້ໝົດພາຍໃນໜຶ່ງອາທິດ ຫລັງຈາກສະໂມສອນສ້າງແຮງສັ່ນສະເທືອນໃຫ້ວົງການບານເຕະ ດ້ວຍການຄວ້າ ຄຣິສເຕຍໂນ ໂຣນັລໂດ້ ດາວຍິງຊຸບເປີສະຕາຊາວໂປຣຕຸເກສ ມາຈາກ ຣີລ ມາດຣິດ ດ້ວຍຄ່າຕົວ 100 ລ້ານຢູໂຣ.
ນອກຈາກນີ້, ສະກາຍ ສະປອດ ສື່ກິລາຊັ້ນນຳ ຍັງລະບຸວ່າ: ຢູເວນຕຸສ ອາດຈະສ້າງເມັດເງິນຈາກການຂາຍປີ້ລະດູການໃໝ່ນີ້ໄດ້ປະມານ 30 ລ້ານຢູໂຣ.
