ວິທີການທໍາຄວາມສະອາດປ໋ອງນົມ ແລະ ການຂ້າເຊື້ອຢ່າງຖືກວິທີ
ການທໍາຄວາມສະອາດປ໋ອງນົມລູກແບບຂ້າເຊື້ອພະຍາດໄດ້ 100% ຫຼັງຈາກລ້າງດ້ວຍນໍ້າຢາລ້າງປ໋ອງນົມແລ້ວ ແນະນໍາໃຫ້ນໍາເອົາປ່ອງນົມ ແລະ ຫົວນົມມາຕົ້ມ ຫຼື ໜຶ້ງດ້ວຍຄວາມຮ້ອນ ຊຶ່ງອຸປະກອນຂອງໃຊ້ທີ່ຕ້ອງເຂົ້າປາກລູກທຸກຢ່າງຫຼັງລ້າງທໍາຄວາມສະອາດແລ້ວ ກໍສາມາດນໍາມາຕົ້ມ ຫຼື ໜຶ້ງໄດ້ເຊັ່ນກັນ.
- ຂັ້ນຕອນປະຕິບັດການຂ້າເຊື້ອປ໋ອງນົມ
-ຄວນລ້າງມືໃຫ້ສະອາດດ້ວຍນໍ້າຢາລ້າງມື
-ໃຊ້ແປງຂັດປ໋ອງນົມທັງດ້ານໃນ ແລະ ດ້ານນອກ
-ໃຊ້ແປງຂັດຫົວນົມ ແລະ ບີບນໍ້າອອກຈາກຫົວຈຸກນົມ ເພື່ອຊະລ້າງຄາບນົມທີ່ຕົກຄ້າງ
-ລ້າງອຸປະກອນທັງໝົດດ້ວຍນ້ຳທໍາມະດາໃຫ້ສະອາດ
- ຫຼັງຈາກຂ້າເຊື້ອ ລ້າງປ໋ອງນົມລູກ
-ລ້າງມືກ່ອນຈັບບາຍອຸປະກອນ
-ນໍາອຸປະກອນທັງໝົດມາເກັບໄວ້ໃນພາຊະນະບັນຈຸ
-ຫາກຍັງບໍ່ໄດ້ນໍາໃຊ້ທັນທີ ໃຫ້ປະກອບປ່ອງນົມກັບຫົວນົມ ແລະ ປິດຝາໃຫ້ສະນິດ
ສໍາລັບວິທີຂ້າເຊື້ອປ໋ອງນົມລູກໃຫ້ສະອາດປອດເຊື້ອພະຍາດ
- ການຂ້າເຊື້ອດ້ວຍການຕົ້ມ
- ໃສ່ນໍ້າສະອາດລົງໄປໃນໝໍ້ (ໝໍ້ທີ່ບໍ່ເຄີຍໃຊ້ແຕ່ງອາຫານມາກ່ອນ)
- ຈຸ່ມອຸປະກອນທັງໝົດຂອງປ໋ອງນົມລົງໄປໃນໝໍ້ ລະວັງບໍ່ໃຫ້ມີຟອງອາກາດຂັງຢູ່
- ປິດຝາໝໍ້ ແລະ ຕົ້ມຢ່າງໜ້ອຍ 10 ນາທີ
- ປະໃຫ້ອຸປະກອນຄາຍຄວາມຮ້ອນເທື່ອລະໜ້ອຍ ແລະ ໃຫ້ປິດຝາໝໍ້ໄວ້ຄືເກົ່າ
- ໃຊ້ຄີມຈັບຫົວນົມປະກອບປ໋ອງນົມ ເພື່ອປ້ອງກັນບໍ່ໃຫ້ອຸປະກອນທີ່ຂ້າເຊື້ອແລ້ວປົນເປື້ອນເຊື້ອພະຍາດ
- ອຸປະກອນທີ່ແຊຢູ່ໃນນໍ້າໂດຍປິດຝາໝໍ້ໄວ້ຈະຢູ່ໃນສະພາບປອດເຊື້ອພະຍາດໄດ້ເກືອບ 3 ຊົ່ວໂມງ
2. ເຄື່ອງໜຶ້ງຂ້າເຊື້ອໄອນໍ້າລະບົບໄຟຟ້າ
– ເຕີມນໍ້າຕາມປະລິມານທີ່ປື້ມຄູ່ມືບອກໄວ້
-ນໍາອຸປະກອນປ່ອງນົມໃສ່ລົງໄປໃນເຄື່ອງໜຶ້ງ ຢ່າໃຫ້ອຸປະກອນຢູ່ໃນແນວຕັ້ງ ແລະ ອຸປະກອນທຸກຢ່າງຕ້ອງແຊ່ຢູ່ໃນນໍ້າ
-ປິດຝາ ແລະ ເປີດເຄື່ອງ
-ຫ້າມເປີດຝາເຄື່ອງໜຶ້ງ ປະໃຫ້ອຸປະກອນຄວາມຄວາມຮ້ອນລົງເລັກນ້ອຍກ່ອນເປີດຝາ
-ໃຊ້ຄີມຈັບຫົວຈຸກນົມ ເພື່ອປ້ອງກັນບໍ່ໃຫ້ອຸປະກອນທີ່ຂ້າເຊື້ອແລ້ວປົນເປື່ອນເຊື້ອພະຍາດ
-ອຸປະກອນຈະຢູ່ໃນສະພາບປອດເຊື້ອຕະຫຼອດໄລຍະທີ່ຍັງປິດຝາຢູ່
-ແລະ ຄວນລ້າງຄາບຕົກຄ້າງໃນເຄື່ອງໜຶ້ງໃຫ້ສະອາດຫຼັງການໃຊ້ງານ
