ເຊກອງຍົກລະດັບຄຸນນະພາບການບໍລິການດ້ານການທ່ອງທ່ຽວ

ຊຸດເຝິກອົບຮົມຍົກລະ ດັບ ຄຸນນະພາບການບໍລິການ ແລະ ເອົາໃຈໃສ່ລູກຄ້າໃຫ້ ກຸ່ມບໍລິການດ້ານການທ່ອງ ທ່ຽວ ແຂວງເຊກອງ ໄດ້ມີ ຂຶ້ນໃນວັນທີ 18 ກໍລະກົດ ນີ້, ຢູ່ທີ່ພະແນກຖະແຫຼງ ຂ່າວ, ວັດທະນະທໍາ ແລະ ທ່ອງທ່ຽວ ແຂວງເຊກອງ (ຖວທ)ເຊິ່ງຈັດໂດຍສະຖາ ບັນສື່ມວນຊົນ, ວັດທະນະ ທໍາ ແລະ ທ່ອງທ່ຽວຮ່ວມ ກັບພະແນກ ຖວທ ແຂວງ ເຊກອງ ເພື່ອສົ່ງເສີມກິດ ຈະກໍາປີທ່ອງທ່ຽວລາວ 2018.

+ ທ່ຽວຊົມທິວທັດທຳມະຊາດໄຊສົມບູນໃຫ້ສຸກໃຈ

+ ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ທ່ານ ນາງ ດາລານີ ພົມ ມະວົງສາ ຮອງຫົວໜ້າສະ ຖາບັນສື່ມວນຊົນ, ວັດທະນະ ທໍາ ແລະທ່ອງທ່ຽວ ກ່າວວ່າ: ການເຝິກອົບຮົມດັ່ງກ່າວກໍ ເພື່ອແນໃສ່ ຕອບສະໜອງ ຄວາມຮຽກຮ້ອງຕ້ອງການຕົວຈິງຂອງວຽກງານບໍລິ ການທ່ອງທ່ຽວໃນ ປີທ່ອງ ທ່ຽວລາວມີຄຸນນະພາບດີຂຶ້ນ ເພື່ອຮັບປະກັນຄວາມພ້ອມ ຂອງການບໍລິການ ແຂກ ທັງພາຍໃນ ແລະ ຕ່າງປະ ເທດທີ່ມາທ່ອງທ່ຽວແຂວງ ເຊກອງ ໃຫ້ມີຄວາມປະທັບ ໃຈສ້າງພາບພົດທີ່ດີແກ່ ແຂວງເຊກອງໃນອະນາຄົດ.

ຊຸດຝຶກອົບຮົມຈະໄດ້ສຸມໃສ່ບັນດາເນື້ອໃນສໍາຄັນຄື: ຮຽນຮູ້ກ່ຽວກັບການຮັກສາຄຸນນະພາບການບໍລິການ ແລະ ການເອົາໃຈໃສ່ຕໍ່ລູກ ຄ້າ, ການເປັນເຈົ້າພາບທີ່ ດີ ແລະ ການຕ້ອນຮັບທີ່ ປະທັບໃຈ, (ເຝິກແອບທັກ ທາຍ, ການໃຫ້ຂໍ້ມູນ, ການ ແກ້ໄຂບັນຫາກ່ຽວກັບແຂກ, ການຕອບ-ຮັບໂທລະສັບ), ທັກສະການ ບໍລິການອາຫານ ແລະ ເຄື່ອງດື່ມແບບສາກົນ, ການຮັກສາຄຸນນະພາບການ ບໍລິການໃນຫ້ອງພັກແຂກ ແລະ ສິ່ງຄວນເອົາໃຈໃສ່ ພາກປະຕິບັດຕົວຈິງໂດຍ ຈະດຳເນີນໄປເປັນເວລາ 3 ວັນຄື: ແຕ່ວັນທີ 18-20 ກໍລະກົດນີ້./.