ອາສາສະໝັກກາແດງລາວ-ເກົາຫລີ ຮ່ວມກັນສ້ອມແປງໂຮງຮຽນ ຢູ່ເມືອງກາສີ
ເມື່ອບໍ່ດົນມານີ້, ຊາວ ໜຸ່ມອາສາສະໝັກກາແດງ ລາວ ແລະ ສ. ເກົາຫລີ ໄດ້ ຊ່ວຍສ້ອມແປງໂຮງຮຽນປະ ຖົມສົມບູນບ້ານວຽງສະໄໝ ເມືອງກາສີ, ແຂວງວຽງຈັນ ໂດຍປ່ຽນສັງກະສີ, ທາສີ, ສ້ອມແປງເສັ້ນທາງເຂົ້າ ໂຮງຮຽນບ້ານດັ່ງກ່າວ ເນື່ອງຈາກອາຄານເກົ່າ ແກ່, ຊຸດໂຊມ ແລະ ເປ່ເພ ເຊິ່ງ ສ້າງຄວາມຫຍຸ້ງຍາກໃຫ້ ແກ່ ການຮຽນ-ການສອນ.
+ ກາແດງລາວຮ່ວມກັບສະຫະພັນລົດຖີບແຫ່ງຊາດຈັດກິດຈະກຳຂີ່ລົດຖີບເພື່ອການກຸສົນ
ນອກນີ້, ຍັງໄດ້ມອບອຸ ປະກອນການຮຽນ, ພ້ອມ ທັງໃຫ້ຄວາມຮູ້ດ້ານສຸຂະ ສຶກສາ, ຮຽນຮູ້ວັດທະນະ ທຳລາວເຊັ່ນ: ການໃສ່ບາດ, ການແຕ່ງອາຫານ, ບາສີສູ່ ຂວັນ ແລະ ສະແດງສິລະປະ ຮ່ວມກັນ.
ເຊິ່ງງົບປະມານໃນ ການເຄື່ອນໄຫວກິດຈະກຳ ແລະ ໃຫ້ການຊ່ວຍເຫລືອ ໃນຄັ້ງນີ້, ໄດ້ມາຈາກການ ສົມທົບທຶນຂອງກາແດງ ແຂວງ ຈ໋ອງ ນາມ ແລະ ມະຫາວິທະຍາໄລກວາງ ນາມ ສ. ເກົາຫລີ ລວມມີ ມູນຄ່າທັງໝົດ 16.000 ໂດລາ ຫລື ປະມານ 132 ລ້ານກວ່າກີບ. ກິດຈະກຳ ດັ່ງກ່າວໄດ້ເລີ່ມແຕ່ວັນທີ 12-19 ກໍລະກົດ 2018 ແລະ ຜ່ານມາການຊ່ວຍ ເຫລືອດ່ັງກ່າວໄດ້ມີມາ ແລ້ວ 12 ຄັ້ງທິມອາສາສະ ໝັກ ສ. ເກົາຫລີ ຮ່ວມກັບ ກາແດງລາວ./.
