5 ຍັກໃຫຍ່ແຫ່ງເອີຣົບກຽມເອົາ “ວິດາ” ເສີມທີມ

ສໍານັກຂ່າວຕ່າງປະເທດລາຍງານວ່າ: ສະໂມສອນລີເວີພູລ ແລະ ສະໂມສອນແອັດເລຕິໂກ ມາດຣິດ 2 ສະໂມສອນດັງແຫ່ງເອີຣົບກຽມເອົາ“ວິດາ” ແນວຮັບຈາກທີມຊາດໂຄເອເຊຍ ຊຸດຮອງແຊ໊ມບານໂລກ 2018 ມາເສີມທີມ.

ເປັນຂ່າວທີ່ເຂົ້າໃຈກັນວ່າ “ວິດາ” ໂຊຟອມໄດ້ຢ່າງຍອດຢ້ຽມໃນການແຂ່ງຂັນບານໂລກ 2018 ທີ່ປະເທດຣັດເຊຍ ພ້ອມທັງມີສ່ວນສໍາຄັນໃນການພາທີມເຂົ້າສູ່ຮອບຮອງຊະນະເລີດ ແຕ່ກໍໄປບໍ່ເຖິງຝັນຖືກທີມຊາດຝຣັ່ງເອົາຊະນະໄປໄດ້ ແຕ່ຟອມການຫລິ້ນທີ່ຍອດຢ້ຽມຂອງເຂົາໄດ້ເຮັດໃຫ້ສ້າງຄວາມສົນໃຈຈາກຫລາຍທີມດັງໃນເອີຣົບສົນໃຈເອົາເຂົ້າຮ່ວມທີມ.

ຫລ້າສຸດ ທັງສອງສະໂມສອນຄື: ສະໂມສອນລີເວີພູລ ແລະ ສະໂມສອນແອັດເລຕິໂກ ມາດຣິດ ໄດ້ໃຫ້ຄ່າຕົວທີ່ມີມູນຄ່າ 35 ລ້ານຢູໂຣ. ຂະນະທີ່ ຍັງມີສະໂມສອນ ເລສເຕີຊິດຕີ້, ເຊບີ້ຢາ ແລະ ເອເວີຕັນ ຕ່າງໃຫ້ຄວາມສົນໃຈ.