ບໍລິຄຳໄຊເປີດນຳໃຊ້ໂຮງໝໍແຫ່ງໃໝ່

ໃນວັນທີ 10 ກໍລະກົດ ນີ້ ແຂວງບໍລິຄຳໄຊ ໄດ້ຈັດພິທີ ມອບ-ຮັບ ແລະ ເປີດນຳໃຊ້ ໂຮງໝໍແຂວງບໍລິຄຳໄຊ ແຫ່ງ ໃໝ່, ໂດຍການເຂົ້າຮ່ວມ ຂອງ ທ່ານ ບຸນກອງ ສີຫາວົງ ລັດຖະມົນຕີກະຊວງສາທາ ລະນະສຸກ, ທ່ານ ກອງແກ້ວ ໄຊສົງຄາມ ເຈົ້າແຂວງ ບໍລິ ຄຳໄຊ, ທ່ານ Claude Jentgen ອຸປະທູດ ລຸກຊຳບວກ ປະຈຳ ສປປ ລາວ. ເຂົ້າຮ່ວມ ນຳດ້ວຍ.

+ ກະຊວງສາທາລະນະສຸກມອບເຄື່ອງຜ່າຕັດທັນສະໄໝໃຫ້ໂຮງໝໍແຂວງອັດຕະປື

+ ຫົວພັນວາງສີລາລຶກໂຄງການກໍ່ສ້າງໂຮງໝໍມິດຕະພາບ ລາວ-ຫວຽດນາມ

ການກໍ່ສ້າງ ແລະ ສະ ໜອງ-ຕິດຕັ້ງອຸປະກອນທາງການແພດສຳລັບໂຮງໝໍ ແຫ່ງນີ້ ແມ່ນໄດ້ຮັບທຶນຊ່ວຍ ເຫລືອຈາກລຸກຊຳບວກ ພາຍ ໃຕ້ແຜນງານໂຄງການຊ່ວຍເຫລືອ ຂະແໜງສາທາລະ ນະສຸກ ລາວ-ລຸກຊຳບວກ (ໂຄງການ LAO/027) ເຊິ່ງຈັດຕັ້ງປະຕິບັດໂດຍ ອົງການ LuxDev.

ໂຮງໝໍແຂວງບໍລິຄຳ ໄຊແຫ່ງໃໝ່ ປະກອບມີຕຽງ ຮອງຮັບຄົນເຈັບຈຳນວນ 140 ຕຽງ, ມີຫ້ອງຜ່າຕັດ ທີ່ທັນສະໄໝ ຈຳນວນ 3 ຫ້ອງ, ມີພະແນກຂ້າເຊື້ອ, ມີຫ້ອງປະສູດຈຳນວນ 2 ຫ້ອງ. ພ້ອມນັ້ນ, ຍັງມີພະ ແນກສ່ອງລັງສີ ແລະ ພະແນກວິໄຈ, ສ່ວນການ ບໍລິການປິ່ນປົວຄົນເຈັບ ເຂດນອກ ລວມມີ ການ ປິ່ນປົວແຂ້ວ, ກາຍະພາບ ບຳບັດ, ຄຣີນິກຫູ-ຕາ- ດັງ-ຄໍ.
ໂຮງໝໍດັ່ງກ່າວ, ມີ ພະນັກ ງານທັງໝົດ 180 ຄົນ, ໃນນັ້ນລວມມີແພດ ທົ່ວໄປ ແລະ ແພດຊ່ຽວ ຊານ ຈຳນວນ 30 ຄົນ, ພະ ຍາບານ ແລະ ພະດຸງຄັນ 75 ຄົນ.