6 ເດືອນຂົວມິດຕະພາບ 3 ເກັບລາຍຮັບເພີ່ມຂຶ້ນ 8,74%
ຫົວໜ້າດ່ານພາສີສາກົນຂົວມິດຕະພາບ 3 ແຂວງ ຄຳມ່ວນ ເປີດເຜີຍວ່າ: ໃນ 6 ເດືອນຕົ້ນປີ ນີ້ສາມາດເກັບ ລາຍຮັບໄດ້ທັງໝົດ 127 ຕື້ກີບ, ທຽບໃສ່ໄລຍະດຽວ ກັນຂອງປີຜ່ານມາ ເພີ່ມຂຶ້ນ 8,74%. ໃນນີ້, ລາຍຮັບ ສ່ວນໃຫຍ່ແມ່ນໄດ້ມາຈາກ ການນຳເຂົ້າສິນຄ້າຜ່ານໄປ ຍັງປະເທດທີ 3 ກວມເອົາ 51%, ການນຳເຂົ້ານ້ຳ ມັນ ເຊື້ອໄຟ 20%, ຄ່າທຳນຽມ ລົດ ເຂົ້າ-ອອກດ່ານ 17%. ແລະ ຄ່າຊັກພິເສດ ສົ່ງອອກ ປະເພດຫີນບົດ 6,7%, ວັດ ສະດຸກໍ່ສ້າງ, ເຄື່ອງໃຊ້ ໄຟ ຟ້າ ແລະ ເຄື່ອງອຸປະໂພກ- ບໍລິໂພກອື່ນໆ.
+ ດ່ານພາສີສາກົນປາກຊັນເກັບລາຍຮັບເກີນແຜນ 5 ເດືອນປະຕິບັດໄດ້ 128 ຕື້ກວ່າກີບ
+ ດ່ານສາກົນຂົວມິດຕະພາບນໍ້າເຫືອງ ທໍາລາຍສິນຄ້າທີ່ນໍາເຂົ້າບໍ່ຖືກຕ້ອງ
ທ່ານ ຫົວໜ້າດ່ານພາ ສີ ດ່ັງກ່າວໃຫ້ຮູ້ອີກ ວ່າ: ການຈັດເກັບລາຍຮັບເຖິງ ຈະບໍ່ໄດ້ຮອດເຄິ່ງໜຶ່ງຂອງ ແຜນການປີ ແຕ່ຖ້າທຽບ ໃສ່ປີຜ່ານມາ ແມ່ນມີການ ເພີ່ມຂຶ້ນ, ເຊິ່ງມີພຽງການ ນຳເຂົ້ານ້ຳມັນເຊື້ອໄຟ ແມ່ນມີປະລິມານຫລຸດລົງ ເນື່ອງ ຈາກບໍ່ມີສາງນ້ຳ ມັນເປັນຂອງຕົນເອງ ນອກ ນັ້ນຍັງມີສິນຄ້າບາງປະ ເພດ ທີ່ມີອັດຕາພາສີເຫລືອ 0% ໂດຍປະຕິບັດຕາມ ອັດຕາພາສີຂອບເຂດ ອາຊຽນ.
ສຳລັບແຜນຈັດ ເກັບ ລາຍຮັບ 6 ເດືອນທ້າຍ ປີ ຂອງດ່ານດັ່ງກ່າວຈະ ສູ້ຊົນປະຕິບັດໃຫ້ໄດ້ 145 ຕື້ກີບ, ເພື່ອເຮັດໃຫ້ການ ຈັດເກັບລາຍຮັບຂອງປີ ບັນລຸໄດ້ 100% ດັ່ງນັ້ນ ຈະຕ້ອງໄດ້ສືບຕໍ່ຫັນລົງ ການປະຕິບັດ ວຽກງານ ຂອງ ແຕ່ລະໜ່ວຍງານ ໃຫ້ເປັນປົກກະຕິ ແລະ ເລິກ ເຊິ່ງກວ່າເກົ່າ./.
