ຊອກຄົນເກັ່ງມາຊ່ວຍພັດທະນາປະເທດ

 # ວິເສດ ສະແຫວງສຶກສາ  

ມື້ນີ້ ຂໍກ້ຽວໆວຽນໆ ກັບ ນະໂຍບາຍດີໆ ຂອງບາງປະ ເທດເພື່ອດຶງດູດການລົງທຶນ ຕ່າງປະເທດໃຫ້ ໄດ້ຫລາຍ ເຊັ່ນຢູ່ ປະເທດອົດສະຕຼາລີ ເມື່ອ 4 ປີກ່ອນໜ້ານີ້ ໃນສະ ໄໝນາຍົກລັດຖະມົນຕີ ໂທນີ ແອບບອດ ກໍໄດ້ມີຮູບການ ດຶງດູດ ດ້ວຍການອອກວີຊາ ອະນຸຍາດໃຫ້ບັນດານັກລົງ ທຶນຖົງໜັກໆ ຈາກຕ່າງປະ ເທດ ມີສິດຢູ່ອາໄສແບບຖາ ວອນໃນອົດສະຕຼາລີ ແຕ່ຕ້ອງ ມີມູນຄ່າການລົງທຶນ 15 ລ້ານ ໂດລາ ອົດສະຕຼາລີ ຂຶ້ນໄປ.

+ ຫຼາຍບັນຫາຍັງຖ່ວງດຶງການພັດທະນາປະເທດຊາດ

+ ຫຼາຍບັນຫາຍັງຖ່ວງດຶງການພັດທະນາປະເທດຊາດ

ສຳລັບຜູ້ລົງທຶນໃນມູນ ຄ່າ 5 ລ້ານໂດລາອົດສະຕຼາລີ ນັ້ນ ຈະມີສິດຢູ່ອາໄສໄດ້ 4 ປີ. ນະໂຍບາຍດັ່ງກ່າວ ເລີ່ມປະ ຕິບັດແຕ່ເດືອນກໍລະກົດປີ 2015 ເປັນຕົ້ນມາ. ທ່ານ ນາຍົກລັດຖະມົນຕີອົດສະ ຕຼາລີ ໃນເວລານັ້ນບອກວ່າ ເປົ້າໝາຍການອອກວີຊາໃຫ້ສິດຢູ່ອາໄສແບບຖາວອນນີ້ ແມ່ນເພື່ອດຶງດູດນັກລົງທຶນ ຕ່າງ ປະເທດເຂົ້າໄປຕັ້ງຖິ່ນ ຖານໃນປະເທດຫລາຍຂຶ້ນ ທັງເປັນການຍົກລະດັບການ ພັດທະນາ ແລະ ການລົງທຶນ ໂດຍກົງ ຈາກຕ່າງປະເທດ. ພ້ອມດຽວກັນນັ້ນທາງການອົດສະຕຼາລີ ກໍໄດ້ທົບທວນ ການລົງທຶນຂອງຕ່າງປະ ເທດໃຫ້ສອດຄ່ອງກັບເປົ້າ ໝາຍຄວາມສຳຄັນໃນການລົງທຶນລະດັບສາກົນ.

ບັດນີ້ລອງໄປເບິ່ງບົດ ຮຽນ ປະເທດ ຫວຽດນາມ . ໃນປີ 2017 ທະນາຄານ ໂລກໄດ້ລຽງລຳດັບກ່ຽວກັບເງື່ອນໄຂຄວາມສະດວກໃນການລົງທຶນໃນ 190 ປະເທດ ໂດຍໄດ້ຈັດຫວຽດນາມຢູ່ ລຳດັບ 82 ທຽບກັບປີ 2016 ທີ່ຫວຽດນາມ ຢູ່ໃນລຳດັບ 91, ໝາຍຄວາມວ່າໃນປີ 2017 ເງື່ອນໄຂຄວາມສະ ດວກສະບາຍ ແລະ ສະພາບ ຄ່ອງຕົວໃນການດຳເນີນທຸ ລະກິດຢູ່ຫວຽດນາມດີຂຶ້ນ 9 ຂັ້ນ.

ຈຸດທີ່ດີຂຶ້ນນັ້ນລວມມີ ການປົກປ້ອງນັກລົງທຶນຈາກຊົນກຸ່ມນ້ອຍ, ລະບົບເສຍພາສີ, ການຄ້າຕາມຊາຍແດນ, ການ ເຂົ້າເຖິງການຊົມໃຊ້ໄຟຟ້າ ແລະ ການແກ້ໄຂບັນຫາຊຳ ເຮື້ອຕ່າງໆ ເຊິ່ງທັງໝົດໄດ້ ຮັບການປົກປ້ອງ ແລະ ສົ່ງ ເສີມດ້ວຍລະບຽບກົດໝາຍ.
ຢູ່ ມຽນມາ ທາງການ ຂອງປະເທດນີ້ກໍໄດ້ໃຫ້ ຄວາມ ສຳຄັນໃນການດຶງດູດນັກ ລົງທຶນກໍຄືແຮງງານຕ່າງປະ ເທດ ເຂົ້າໄປມຽນມາຫລາຍ ຂຶ້ນດ້ວຍການອະນຸຍາດສິດ ຢູ່ອາໄສແບບຖາວອນ. ນະ ໂຍບາຍດັ່ງກ່າວເລີ່ມປະຕິ ບັດມາແຕ່ທ້າຍເດືອນຕຸລາ ປີ 2014 (The Nation 11/9/2014) ໂດຍການເປີດ ຮັບຄຳຮ້ອງຂອງຄົນຕ່າງປະ ເທດທີ່ມີຈຸດປະສົງດັ່ງກ່າວ ມາຂ້າງເທິງນັ້ນ.

ຄົນຕ່າງປະເທດເຈົ້າ ຂອງຄຳຮ້ອງທີ່ໄດ້ຮັບພິຈາ ລະນານັ້ນມີສິດຢູ່ອາໄສໃນ ມຽນມາໄລຍະທຳອິດໄດ້ 5 ປີ ແລະ ສາມາດຕໍ່ໄດ້ຕື່ມ ໃນແຕ່ ລະ 5 ປີ. ໃນການປະຕິບັດນະ ໂຍບາຍດັ່ງກ່າວ, ທາງການ ມຽນມາ ໄດ້ຈັດຄົນຕ່າງປະ ເທດອອກເປັນ 4 ປະເພດຄື: ແຮງງານທີ່ມີຄວາມຊຳນິ ຊຳນານ, ນັກລົງທຶນ, ຄົນ ມຽນມາທີ່ໄດ້ຮັບສັນຊາດ ອື່ນ ແລະ ຄົນມຽນມາທີ່ເກີດ ຈາກພໍ່ ຫລື ແມ່ຄົນມຽນ ມາ ທີ່ແຕ່ງດອງກັບຄົນຕ່າງ ປະເທດ.

ທາງການມຽນມາບໍ່ອະນຸຍາດ ແລະ ບໍ່ຮັບຮູ້ການຖື ສອງສັນຊາດຂອງຄົນມຽນ ມາ. ດັ່ງນັ້ນຄົນມຽນມາທີ່ ເຂົ້າສັນຊາດອື່ນ ແລ້ວນັ້ນກໍ ຈະໄດ້ຮັບການປະຕິບັດຕໍ່ ແບບ ດຽວກັບຄົນຕ່າງປະເທດ.
ສຳລັບ ຢູ່ ສປ ຈີນ, ນະ ຄອນ ຊຽງໄຮ ໄດ້ອອກໜ້າ ດ້ານນະໂຍບາຍເອື້ອອຳນວຍ ຄວາມສະດວກໃຫ້ເຫລົ່າ ຊ່ຽວຊານລະດັບຫົວກະທິ ຈາກຕ່າງປະເທດ.
ຂ່າວໃນຕົ້ນເດືອນເມສາປີນີ້ໃຫ້ຮູ້ວ່າ ທາງການນະ ຄອນຊຽງໄຮໄດ້ປັບປຸງກົນ ໄກອອກໃບອະນຸຍາດທີ່ຢູ່ອາ ໄສສຳລັບຄົນຕ່າງປະເທດ ໃຫ້ງ່າຍດາຍ ແລະ ໄວຂຶ້ນຕື່ມ ຄືຈາກ 7 ວັນ (ວັນລັດຖະ ການ) ໃນເມື່ອກ່ອນມາເປັນ 3 ວັນເທົ່ານັ້ນ, ໂດຍຜ່ານລະ ບົບອອນລາຍ.
ຊ່ຽວຊານກໍຄືແຮງງານຕ່າງປະເທດທີ່ຈະໄດ້ຮັບນະ ໂຍບາຍດັ່ງກ່າວລວມມີພວກທີ່ເຮັດວຽກໃນບໍລິສັດຜະລິດ ເຕັກໂນໂລຊີລະດັບສູງ, ເຕັກ ໂນໂລຊີ ເຊິ່ງເປັນນະວັດ ຕະກຳໃໝ່, ໃນຂົງເຂດການ ເງິນ ແລະ ຂະແໜງທີ່ເປັນ ຍຸດທະສາດເກີດໃໝ່, ນອກ ນັ້ນກໍຍັງມີຂະແໜງຄົ້ນຄວ້າ, ສູນກາງການພັດທະນາລວມທັງຂະແໜງການລົງທຶນຕ່າງປະເທດ.

ໃນປີ 2015, ທາງການ ຂອງນະຄອນຊຽງໄຮໄດ້ເລີ່ມປະຕິບັດນະໂຍບາຍດຶງດູດ ຊາວຕ່າງປະເທດທີ່ມີຄວາມ ຮູ້ຄວາມສາມາດລະດັບຫົວ ກະກທິ. ໃນເດືອນມັງກອນ ປີນັ້ນ. ເຫລົ່ານັກວິທະຍາສາດ ແລະ ນັກສຶກສາຕ່າງປະເທດ ທີ່ຜ່ານການເຮັດວຽກມາ ແລ້ວເປັນເວລາ 3 ປີ ຢູ່ຊຽງ ໄຮ ລ້ວນແຕ່ໄດ້ຮັບນະໂຍ ບາຍສະດວກສະບາຍໃນການຊອກທີ່ຢູ່ອາໄສ.

ໃນວັນທີ 2 ເດືອນ ເມສາ ປີນີ້ ທາງການນະຄອນຄຽງ ໄຮໄດ້ອອກບັດຂຽວ (ບັດອະ ນຸຍາດຢູ່ອາໄສແບບຖາວອນ) ໃຫ້ທ່ານ ເຄີດ ວູຕຼິກ ຄົນສະວິດ ເຊີແລນທີ່ໄດ້ຮັບລາງວັນໂນ ເບນ (Nobel)ສາຂາເຄມີ ໃນປີ 2002.
ໃນປັດຈຸບັນທ່ານ ເຄີດ ເປັນອາຈານປະຈຳຢູ່ມະ ຫາວິທະຍາໄລຊຽງໄຮ ເທັກ (Shanghai Tech University)./.