ງານມະຫະກຳເປີດກວ້າງການສຶກສາຄັ້ງທີ 2 ໄດ້ຮັບຄວາມສົນໃຈຈາກມວນຊົນ
ໃນວັນທີ 11-13 ກໍລະ ກົດນີ້, ຄະນະເສດຖະສາດ ແລະ ບໍລິຫານທຸລະກິດມະ ຫາວິທະຍາໄລແຫ່ງຊາດ, ໄດ້ຈັດງານມະຫະກໍາເປີດ ກວ້າງການສຶກສາ, ໂດຍ ການເຂົ້າຮ່ວມຂອງທ່ານ ອຸດົມ ພອນຄໍາເພັງ ຮອງອະ ທິການບໍດີ ມະຫາວິທະຍາ ໄລແຫ່ງຊາດ ແລະ ທ່ານ ນາງ ຣີນາ ບິດເຕີ ເອກອັກ ຄະລັດຖະທູດສະຫະລັດອາ ເມລິກາ ປະຈໍາລາວ, ມີຄະ ນະບໍດີ, ຫົວໜ້າຫ້ອງການ, ສະຖາບັນ, ຄູ-ອາຈານ ແລະ ນັກຮຽນ-ນັກສຶກສາເຂົ້າ ຮ່ວມຢ່າງພ້ອມພຽງ. ເພື່ອ ໃຫ້ຂໍ້ມູນຂ່າວສານທາງ ດ້ານສາຂາວິຊາຮຽນໃນສະຖາບັນຕ່າງໆ ທັງພາກລັດ ແລະ ເອກະຊົນ ໃຫ້ແກ່ນ້ອງ ນັກຮຽນທີ່ກຳລັງມີຄວາມ ສົນໃຈຮຽນຕໍ່ໃນສາຂາວິຊາຮຽນທີ່ຕົນເອງມັກ ແລະ ຖະ ນັດ, ເປັນທັງຜູ້ໃຫ້ທຶນການ ສຶກສາທັງພາຍໃນ ແລະ ຕ່າງ ປະເທດ, ຕະຫຼອກຮອດສາ ມາດຕັດສິນໃຈນໍາໃຊ້ຂໍ້ມູນ ດັ່ງກ່າວເພື່ອເລືອກຮຽນຕໍ່ ໃນສາຂາທີ່ຕົນມີຄວາມສົນ ໃຈ, ມີຄວາມຮູ້ ແລະ ຄວາມ ພ້ອມທີ່ແທ້ຈິງ ເພື່ອກະກຽມ ຊັບພະຍາກອນມະນຸດທີ່ມີ ຄຸນະພາບຮອງຮັບການຂະ ຫຍາຍຕົວຂອງເສດຖະກິດ-ສັງຄົມໃນຕໍ່ໜ້າ.
+ ແຂວງຊຽງຂວາງພ້ອມເປັນເຈົ້າພາບ ຈັດງານມະຫະກຳກິລາແຫ່ງຊາດ ຄັ້ງທີ XI
+ ລາວເຜີຍແຜ່ຜົນກອງປະຊຸມການພັດທະນາການສຶກສາກ່ອນໄວຮຽນ
ທ່ານ ອຸດົມ ພອນຄໍາເພັງ ໃຫ້ຮູ້ວ່າ: ງານດັ່ງກ່າວ ຈັດ ຂຶ້ນເພື່ອໃຫ້ນັກສຶກສາເຂົ້າ ໃຈໃນການເລືອກສາຍຮຽນ ເພື່ອປະກອບອາຊີບໃຫ້ແກ່ ຕົນເອງ, ເຊິ່ງມີຄວາມສໍາ ຄັນຫຼາຍ ໃນປີຜ່ານມາມີນັກ ສຶກສາເຂົ້າມາສະໝັກເຂົ້າ ສອບເສັງໃນ ມຊ ເກືອບ 60 ພັນຄົນ ແລະ ໃນປີນີ້ເພີ່ມຂຶ້ນ ເກືອບ 70 ພັນຄົນ, ທັງນີ້ ເພື່ອ ເປັນແນະແນວໃຫ້ຕົນເອງ, ການຊອກຫາວິຊາສະເພາະທີ່ເໝາະສົມກັບຕົນເອງ. ດັ່ງ ນັ້ນ, ການຈັດງານດັ່ງກ່າວ ຈຶ່ງເປັນທາງເລືອກໜຶ່ງໃຫ້ ແກ່ນັກສຶກສາ, ໃຫ້ແກ່ຜູ້ປົກ ຄອງ ໄດ້ສັນຫາວິຊາສະເພາະ ທີ່ ເໝາະສົມກັບລູກຫຼານ ຂອງຕົນເອງ ເພື່ອປະກອບ ສ່ວນວຽກງານໃຫ້ຖືກຕ້ອງຕາມຈຸດປະສົງຂອງຕົນເອງ, ເຊິ່ງຂໍ້ມູນ ແລະ ກິດຈະກໍາ ຕ່າງໆພາຍໃນງານແມ່ນ ຊ່ວຍໃຫ້ນ້ອງນັກຮຽນສາ ມາດເຂົ້າໃຈ ແລະ ຮັບຮູ້ບັນ ດາ ສາຍການຮຽນທີ່ເລິກ ແລະ ຮອບດ້ານເພື່ອຮັບປະ ກັນບັນດານັກຮຽນສາມາດ ເລືອກຮຽນໃນສາຍວິຊາທີ່ ຕົນເອງມັກ ແລະ ມີຄວາມ ຖະໜັດຢ່າງແທ້ຈິງ. ງານ ດັ່ງກ່າວ, ໄດ້ຮວບຮວມເອົາ ຫຼາຍກວ່າ 160 ສາຂາຮຽນ, ທັງທຶນ ການສຶກສາພາຍໃນ ແລະ ຕ່າງປະເທດ. ນອກນີ້, ຍັງໄດ້ມີການແລກປ່ຽນຄໍາ ເຫັນລະຫວ່າງບັນດາຜູ້ເຂົ້າຮ່ວມກັບວຽກງານການສຶກ ສາ ແລະ ທິດທາງຄວາມ ຕ້ອງການແຮງງານໃນລາວ ແລະ ອາຊຽນອີກດ້ວຍ.
ງານມະຫະກໍາເປີດ ກວ້າງການສຶກສາ ໄດ້ຖືກ ລິເລີ່ມໂດຍຄະນະເສດຖະ ສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ ຮ່ວມກັບອາສາສະໝັກນັກ ສືກສາ (ກຸ່ມອາດີດນັກສຶກ ສາທີ່ໄດ້ຮັບທຶນການສຶກສາຈາກລັດຖະບານອາເມລິກາ) ທີ່ເຫັນໄດ້ຄວາມສໍາຄັນໃນ ການເລືອກສາຍຮຽນຂອງ ນ້ອງນັກຮຽນທີ່ສໍາເລັດການສຶກສາໃນລະດັບສາມັນ ທີ່ ພວມກຽມພ້ອມໃນການສຶກສາຕໍ່ໃນລະດັບທີ່ສູງຂຶ້ນ.
