ເອັມບັບເປ້ ບໍ່ຫວັງບັງລັງດໍ ຂໍພຽງພາ ທີມຄວ້າແຊ໊ມບານໂລກ 2018

ຄີລຽນ ເອັມບັບເປ້ ນັກເຕະທີມຊາດຝຣັ່ງທີ່ກໍາລັງມາແຮງໃນຕອນນີ້ ອອກມາສະແດງຄວາມຄິດເຫັນເຖິງກໍລະນີທີ່ມີການຍົກຍ້ອງໃຫ້ມີສິດລຸ້ນລາງວັນບານທອງຄໍາ ຫລື ບັນລັງດໍ ປະຈໍາປີນີ້ໄປຄອງ ຫາກວ່າທີມຊາດຝຣັ່ງສາມາດເປັນແຊ໊ມໂລກໃນປີນີ້ໄດ້ສໍາເລັດ.

ເອັມບັບເປ້ ກອງໜ້າດາວເດັ່ນ ຈາກສະໂມສອນ ປາຣີສ ແຊງແຊັກແມງ ໄດ້ເວົ້າວ່າ: ຕົນເອງບໍ່ໄດ້ສົນໃຈເລີຍວ່າໃຜຈະໄດ້ລາງວັນນັ້ນໄປຄອງ ແຕ່ຕົນເອງຂໍມຸ່ງໝັ້ນພຽງຊ່ວຍທີມຍາດແຊ໊ມໃນບານໂລກ 2018 ເທົ່ານັ້ນ, ການແຂ່ງຂັນຄັ້ງນີ້ຕົນເອງລົງສະໜາມ 6 ຄັ້ງ ແລະ ຍິງໄດ້ 3 ປະຕູ.

ລາງວັນບັນລັງດໍ 10 ປີ ຫລັງມີພຽງແຕ່ 2 ຄົນເທົ່ານັ້ນຄື: ຄຣີດ​ເຕຍໂນ ໂຣນັລໂດ້ ກອງໜ້າທີມຊາດ​ໂປຣຕຸ​ເກສ ແລະ ລີໂອເນວ ເມສຊີ ກອງໜ້າທີມຊາດອາເຈນຕິນາ.