ເຫລືອພຽງ 2 ຄັ້ງ ລາວໂຕໂຢຕ້າ ກໍເປັນແຊ໊ມເປບຊີ ລາວພຣີເມຍລີກ 2018
ສະໂມສອນ ລາວໂຕໂຢຕ້າ ເອັຟຊີ ຍັງເປັນສະໂມສອນທີ່ຄອງອັນດັບທີ 1 ໃນຕາຕະລາງຄະແນນຂອງການແຂ່ງຂັນເປບຊີ ລາວພຣີເມຍລີກ 2018 ເຊິ່ງມາຮອດປັດຈຸບັນຍັງຮັກສາອັນດັບທີ 1 ໄວ້ໄດ້ ຈາກການລົງສະໜາມ 12 ຄັ້ງ ຊະນະ 9 ຄັ້ງ ເສຍ 1 ຄັ້ງ ສະເໝີ 1 ຄັ້ງ ລວມມີ 28 ຄະແນນ. ຂະນະທີ່ການແຂ່ງຂັນຍັງເຫລືອພຽງແຕ່ 2 ຄັ້ງເທົ່ານັ້ນກໍຈະເປັນແຊ໊ມໃນປີນີ້.
ສ່ວນອັນດັບທີ 2 ຕົກເປັນຂອງສະໂມສອນ ປກສ ເອັຟຊີ ທີ່ມີຄະແນນຫ່າງຈາກສະໂມສອນ ລາວໂຕໂຢຕ້າ ເອັຟຊີ 9 ຄະແນນ ຈາກາການລົງສະໜາມ 10 ຄັ້ງ ຊະນະ 6 ຄັ້ງ ເສຍ 3 ຄັ້ງ ສະເໝີ 1 ຄັ້ງ ລວມມີ 19 ຄະແນນ. ຂະນະທີ່ສະໂມສອນມາສເຕີ 7 ເອັຟຊີ ຍັບຂຶ້ນຈາກອັນດັບທີ 4 ໃນອາທິິດຜ່ານມາ ດ້ວຍການລົງສະໜາມ 11 ຄັ້ງ ຊະນະ 4 ຄັ້ງ ເສຍ 4 ຄັ້ງ ສະເໝີ 3 ຄັ້ງ ລວມມີ 15 ຄະແນນ. ນອກຈາກນັ້ນ, ສະໂມສອນ ດີເຄເອັຟຊີ ຍັງຢູ່ອັນດັບສຸດທ້າຍຂອງຕາຕະລາງຄະແນນຈາກການລົງສະໜາມ 10 ຄັ້ງ ຊະນະ 1 ຄັ້ງ ເສຍ 5 ຄັ້ງ ສະເໝີ 4 ຄັ້ງ ລວມມີ 7 ຄະແນນ.
ສໍາລັບຕາຕະລາງປະຈໍາອາທິດນີ້ມີ 2 ຄູ່ຄື: ວັນທີ 13 ກໍລະກົດ ເວລາ 16:00 ໂມງ ສະໂມສອນ ຫລວງພະບາງ ຢູໄນເຕັດ ພົບກັບ ສະໂມສອນ ກອງທັບ ເອັຟຊີ ທີ່ສະໜາມກິລາຫລວງພະບາງ; ສ່ວນວັນທີ 14 ກໍລະກົດ ເວລາ 16:00 ໂມງ ສະໂມສອນ ສະຫວັນ ຢູໄນເຕັດ ພົບກັບ ສະໂມສອນ ຊ້າງນ້ອຍ ເອັຟຊີ ທີ່ສະໜາມກິລາສະຫວັນນະເຂດ.
